ГУБАЗіК мог «зашыць» вірус у «базы звестак падпісантаў незалежных медыя». Вось як абараніцца
Адкрываць файлы, якія апублікавалі сілавікі, на вашым камп'ютары можа быць небяспечна.
Мы праверылі базы звестак, апублікаваныя ГУБАЗіК, з дапамогай сервіса Virustotal, які правярае файлы на наяўнасць вірусаў праз 64 розныя антывірусныя сэрвісы. Выявілася, што адзін з іх лічыць, што ў файлах зашыты «траян» — то-бок, праграма, якая пры адкрыцці файла атрымлівае доступ да вашых звестак.
Мы настойліва раім не адкрываць іх на ўласных камп'ютарах, як і іншыя файлы з ненадзейных крыніц. Калі вы вельмі хочаце паглядзець спіс, то вы можаце сканвертаваць яго ў Google Disk. Для гэтага спачатку перайдзіце ў гугл-дыск.
Пасля націсніце «Стварыць -> Загрузіць файл». Абярыце файл, які вы хочаце загрузіць.
Пасля гэтага знайдзіце яго на дыску і націсніце на файл (з камп'ютара — двайным націсканнем мышы).
Файл адкрыецца ва ўнутраных сэрвісах Google. Пры гэтым спецслужбы Беларусі не здолеюць загрузіць вірус на ваш камп'ютар.
«Наша Нiва» — бастыён беларушчыны
ПАДТРЫМАЦЬ
Каментары
Бо калі карнікі (не "сілавікі", рэдакцыя, ну колькі можна) будуць праглядаць ваш тэлефон, кампутар, акаунт, яны могуць зацікавіцца, чаму вам быў цікавы гэты файл. Файлы адчыненыя ў гугл-дыск, застаюцца там назаўсёды, калі іх не выдаліць.