«Песню вясёлага беларуса» спевака Ap$ent прызналі экстрэмісцкай
У экстрэмісцкі спіс трапіў і Андрэй Курэйчык.
Ap$ent (Арсень Кісляк). Скрын відэа: chestnok_live / YouTube
Суд Гомельскага раёна прызнаў «Песню вясёлага беларуса» спевака Ap$ent экстрэмісцкай. Гэта вынікае з абноўленага спісу экстрэмісцкіх матэрыялаў Міністэрства інфармацыі.
Як паведамляецца на сайце Мінінфарм, судовае рашэнне было прынятае 22 красавіка.
У спіс трапіў і блогер і рэжысёр Андрэй Курэйчык. Экстрэмісцкімі прызнаныя яго youtube-каналы «Альтэрнатыўнае блогабачанне» і «Ukraine — Belarus — Russia Alternative Blogovision», а таксама яго акаўнты ў сацсетках.
Каментары