Грамадства11

Як ЕГУ жыве ў атмасферы пагрозы і няпэўнасці

У студзені прапагандыст Ігар Тур анансаваў, што Еўрапейскі гуманітарны ўніверсітэт, маўляў, хутка прызнаюць у Беларусі «экстрэмісцкай арганізацыяй». А нядаўна пасад рэктара ЕГУ пакінуў польскі прафесар Кшыштаф Рыбіньскі, які прапрацаваў ва ўніверсітэце толькі год. У сувязі з гэтым на сітуацыю з ВНУ звярнуў увагу партал Delfi.lt.

У эфіры прапагандысцкай тэлеперадачы Ігара Тура гаварылася, што ЕГУ нібыта пазбавіўся фінансавання, таму «вырашыў звязацца з дзеючым у Вільні Офісам Святланы Ціханоўскай, каб атрымаць ад яго грошай». А частка выкладчыкаў і студэнтаў, маўляў, выступілі супраць такога рашэння.

Старшыня праўлення ЕГУ, колішні літоўскі прэм'ер, а цяпер еўрадэпутат Андрус Кубілюс пацвердзіў, што ў ЕГУ пагрозы лукашэнкаўскага рэжыму ўспрынялі сур'ёзна.

«Статыстыка мне невядомая, але некалькі чалавек вырашылі, што для іх гэта занадта вялікая рызыка, і пакінулі ВНУ, але гэтых людзей няшмат», — сказаў ён.

Добра знаёмы са становішчам ЕГУ чалавек, які пажадаў застацца ананімным, запэўніў Delfi, што ўніверсітэт ніколі не планаваў звяртацца па грошы да Офіса Ціханоўскай, усё гэта толькі хлусня беларускіх уладаў. Тое самае пацвердзіў і прэс-сакратар ЕГУ Вілюс Алесюс, які адзначыў, што фінансаванне ЕГУ атрымлівае з фонду Patikos, а ён з Офісам Ціханоўскай не звязаны.

Андрус Кубілюс таксама запэўніў Delfi, што паміж ВНУ і Офісам Ціханоўскай не існуе нейкага асаблівага супрацоўніцтва, але гэта, вядома, не можа перашкодзіць Лукашэнку ў любы момант прызнаць ЕГУ «экстрэмісцкай арганізацыяй», бо для гэтага ва ўмовах сучаснай Беларусі не патрабуецца ніякіх асаблівых падстаў.

Добра знаёмы з сітуацыяй чалавек сказаў журналісту партала, што на адной з сустрэч супольнасці ЕГУ некаторыя выкладчыкі з Беларусі выказаліся за спыненне любых зносін з Офісам Ціханоўскай, каб не ставіць універсітэт пад пагрозу. Аднак кіраўніцтва ЕГУ адзначыла, што не можа падпарадкоўвацца патрабаванням беларускіх уладаў.

Паводле звестак Delfi, пасля гэтай сустрэчы ўзніклі падазрэнні ў дачыненні да некаторых выкладчыкаў, адносна якіх высветлілася, што яны вельмі часта ездзяць у Беларусь.

«Гэта небяспечная краіна, туды проста так не ездзяць, нават студэнтаў арыштоўваюць. Паўстала пытанне, як гэта так, што для адных — небяспечна і яны туды імкнуцца не ехаць, а іншыя ездзяць туды даволі часта», — заўважыў суразмоўца партала.

Паводле звестак Delfi, атмасфера недаверу ўзмацнілася пасля таго, як хтосьці агучыў інфармацыю з сустрэчы з Ціханоўскай у цесным коле.

Сталі высвятляць, ці няма ў ЕГУ людзей, якія працуюць на рэжым Лукашэнкі, ці няма іх сярод выкладчыкаў, якім даступныя спісы студэнтаў ВНУ. Калі гэта так, то праз разгалошванне такіх спісаў небяспека можа пагражаць блізкім студэнтаў.

Кубілюс сказаў, што на гэтае пытанне адказаць немагчыма. Пакуль даных пра гэта няма.

«Нават калі б я нешта ведаў, не мог бы каментаваць. Але я б не здзівіўся, калі б каго-небудзь знайшлі», — адказаў ён.

На яго думку, адна з прычын, па якіх Лукашэнка вырашыў пагражаць ЕГУ — занадта шмат моладзі імкнецца пакінуць Беларусь.

Каментары1

  • Фрау
    05.03.2024
    Года идуть, методичка не меняеццв)

Хто такая Камала Харыс — кандыдатка ў прэзідэнты ЗША ад дэмакратаў замест Байдэна2

Хто такая Камала Харыс — кандыдатка ў прэзідэнты ЗША ад дэмакратаў замест Байдэна

Усе навіны →
Усе навіны

Кіеў атакаваў нейкі таямнічы дрон-камікадзэ. Што за ён?1

Былая беларуская спартсменка ўжо другі раз за жыццё памяняла спартыўнае грамадзянства9

Былы палітвязень спаліў свой беларускі пашпарт ВІДЭА22

Прарасійская актывістка абурылася, што не можа апублікаваць фота з бел-чырвона-белым сцягам5

На Растоўскай АЭС адбыўся выбух і Расію накрыла хваля радыяцыі? Паспрабавалі разабрацца1

Іван Краўцоў трэці раз запар стаў сакратаром Каардынацыйнай рады40

Следам за краснадарцамі выйшлі патрабаваць электрычнасці і жыхары Анапы1

«25 літраў за 2 гадзіны». Грыбныя трафеі з лясоў сталі больш разнастайнымі3

«Мінскія Патрыкі? Не, Бікіні Ботам». Найлепшыя твіты тыдня4

больш чытаных навін
больш лайканых навін

Хто такая Камала Харыс — кандыдатка ў прэзідэнты ЗША ад дэмакратаў замест Байдэна2

Хто такая Камала Харыс — кандыдатка ў прэзідэнты ЗША ад дэмакратаў замест Байдэна

Галоўнае
Усе навіны →