Грамадства66

Ці затрымалі тых беларусаў, хто вывеў з ладу самалёт у Мачулішчах? Нікога не паказалі

Аляксандр Лукашэнка на нарадзе 7 сакавіка ўзнагародзіў сілавікоў за тое, што яны раскрылі атаку на самалёт у Мачулішчах. Але, мяркуючы па фільме БТ, які выйшаў у эфір 9 сакавіка, магчыма, затрыманы толькі адзін грамадзянін Украіны Мікалай Швец, ролю якога яшчэ трэба высветліць. Беларусаў жа, датычных да нейтралізацыі самалёта, у фільме назвалі, але не паказалі.

Мікалай Швец. Магчыма, гэта адзіны, каго сілавікам удалося затрымаць. Скрыншоты з tvr.by

7 сакавіка Аляксандр Лукашэнка пасля дзевяці дзён адмаўлення прызнаў, што мегакаштоўны самалёт, з якога ажыццяўлялася навядзенне расійскіх ракет і дронаў на цэлі ва Украіне, сапраўды быў выведзены з ладу.

Раней былі апублікаваны відэа, як падпольшчыкі прызямлілі дроны на фюзеляж самалёта.

Мяркуючы па словах Аляксандра Лукашэнкі і тых кавалках інфармацыі, якія перадало дзяржаўнае тэлебачанне, гэта была разгалінаваная аперацыя са складаным планам, у рэалізацыі якога былі задзейнічаныя шматлікія беларусы, як мужчыны, так і жанчыны. 

Хоць Аляксандр Лукашэнка паведаміў пра затрыманне ажно 20 чалавек, дзяржаўныя СМІ паказалі кадры затрымання толькі грамадзяніна Украіны Мікалая Швяца. Ні допытаў, ні кадраў затрымання, ні нейкіх іншых доказаў затрымання іншых названых лукашэнкаўцамі нібыта датычных да гэтага людзей не прыводзіцца.

Відэа БТ створана з каментароў чэкістаў і допыту Мікалая Швяца, знятага з некалькіх ракурсаў. Нельга сказаць напэўна, ці быў хто затрыманы разам з Мікалаем Швяцом.

«Наша Ніва», грунтуючыся на інфармацыі дзяржаўных СМІ, паведамляла пра затрыманне Алега Сычова і яго жонкі Настассі Пілько. Праваабаронцы і журналісты таксама былі пэўныя, што яны затрыманыя, абапіраючыся на паведамленні жыхароў вёскі Чарцяж і маўчанне іх сваякоў. Хоць, па звестках «Вясны» на цяперашні момант, пара затрыманая, пасля фільма БТ стала незразумела, што з імі, а калі яны затрыманыя, то ці яны ўвогуле датычныя да справы. 

Дзяржаўнае тэлебачанне спачатку называла іх імёны ў адным шэрагу з затрыманым Швяцом, але ў рэпартажы 9 сакавіка іх ужо ахрысцілі «беглымі». Так лукашысты называюць тых, каго ім не ўдаецца схапіць. 

Не паказалі ў фільме і іншых людзей, якія ўзгадваліся як датычныя да супраціўлення — гэта Віталь Якуцік, Міхаіл Дзёмін, Ала Яцута. Мяркуючы па фільме БТ, усе яны або хаваюцца, або выехалі за мяжу.

Затое паведамляецца пра затрыманне шматлікіх выпадковых людзей. Гэта і выдавец-ветэран Зміцер Колас, у якога друкаром працаваў Алег Сычоў, і сястра Алы Яцута, якая проста прыняла яе дома (паведамляецца, што супраць жанчыны завялі крымінальную справу). Гэта нагадвае ўзяцце закладнікаў нацыстамі ў адказ на дыверсіі падполля ў час Другой сусветнай.

Магчыма, акрамя Швяца, ролю якога яшчэ трэба высветліць, не затрымалі нікога, акрамя выпадковых людзей? Сапраўды, прыходзілі паведамленні пра дзясяткі, а можа быць і сотні рандомных затрыманняў людзей, якія жывуць вакол Мачулішчаў, стралкоў, страйкбалістаў, рэканструктараў. Затрыманні працягваюцца.

Калі так, то «дваццаць затрыманых», агучаных Лукашэнкам, як і квяцістыя аповеды пра «занадта малы» дрон і суперсучасныя тэхналогіі, і нават узнагароджанне сілавікоў — гэта блеф, каб стварыць уражанне, што сітуацыя добра кантралюецца.

«Наша Нiва» — бастыён беларушчыны

ПАДТРЫМАЦЬ

Чытайце яшчэ:

Мінула 4 дні, як КДБ забраў выдаўца Змітра Коласа. Звязана са справай пра Мачулішчы?

Стала вядома, хто такі Якуцік, пра якога па ўсёй Беларусі дапытвалі стралкоў, і ў чым яго абвінавачваюць

КДБ заявіў пра датычнасць да дыверсіі супраць самалёта ў Мачулішчах спецслужбаў Польшчы

Каментары6

  • архіў сцэнароў
    10.03.2023
    Вельмі нагадвае разборку пасля ўзрыву ў метро. 
  • Едем дальше
    10.03.2023
    саша, ну не дадут тебе беларусы уничтожить Беларусь и беларусов, ну не дадут, как бы ты
    не пыжился с 1994 года, не дадут превратить беларусов в тех же россиян ("русских") с отметиной !
     Понятно, что сидишь на штыках, превратив губоп в гестапо России в Беларуси, а КГБ превратил в девку на подтанцовке губопа.
     Уйдёшь в никуда и проклятым...
    И да, почему не наградил за поиск дохлых крыс выживших в водопроводе в 2006 и 2010  годах ???
  • Я
    10.03.2023
    Украінца затрымалі яшчэ пры першым ўездзе ў Беларусь у студзені. І трымалі ў кдб аж пакуль не прадалі Лукашэнку як тэрарыста. І ў друкарню адвезлі самі каб хоць неяк звязаць з беларускім рухам. Так ён і хаваўся ў домы арыштаванага кілька дні таму друкара :)

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?19

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Усе навіны →
Усе навіны

У часе буры моцна пацярпелі птушкі. Адзіны ў краіне прытулак для іх не дае рады — яму патрэбная дапамога

Украінскія амбіцыі мець F-16 разбіваюцца аб моўны бар'ер, узлётна-пасадачныя палосы і запчасткі — Bloomberg29

Церцель заявіў, што Украіна адвяла войскі ад беларускай мяжы яшчэ 3—4 ліпеня1

«Ау! Куды вы зніклі?» Як мінчанка перайграла кватэрных аферыстаў

Без электрычнасці застаецца 851 населены пункт Гомельскай вобласці. У Мазыры няма святла, вады, не працуюць прадпрыемствы

Яшчэ адна ахвяра непагадзі: у Магілёўскім раёне загінула 5-гадовая дзяўчынка

На беларуска-літоўскай мяжы упершыню за доўгі час з'явілася чарга з аўтобусаў1

Рыжанкоў: Беларусь гатова да дыялогу з Польшчай па сітуацыі на мяжы20

У залатой буцы на Еўра-2024 адразу некалькі ўладальнікаў

больш чытаных навін
больш лайканых навін

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?19

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Галоўнае
Усе навіны →