Hramadstva66

Ci zatrymali tych biełarusaŭ, chto vyvieŭ z ładu samalot u Mačuliščach? Nikoha nie pakazali

Alaksandr Łukašenka na naradzie 7 sakavika ŭznaharodziŭ siłavikoŭ za toje, što jany raskryli ataku na samalot u Mačuliščach. Ale, miarkujučy pa filmie BT, jaki vyjšaŭ u efir 9 sakavika, mahčyma, zatrymany tolki adzin hramadzianin Ukrainy Mikałaj Šviec, rolu jakoha jašče treba vyśvietlić. Biełarusaŭ ža, datyčnych da niejtralizacyi samalota, u filmie nazvali, ale nie pakazali.

Mikałaj Šviec. Mahčyma, heta adziny, kaho siłavikam udałosia zatrymać. Skrynšoty z tvr.by

7 sakavika Alaksandr Łukašenka paśla dzieviaci dzion admaŭleńnia pryznaŭ, što miehakaštoŭny samalot, ź jakoha ažyćciaŭlałasia naviadzieńnie rasijskich rakiet i dronaŭ na celi va Ukrainie, sapraŭdy byŭ vyviedzieny z ładu.

Raniej byli apublikavany videa, jak padpolščyki pryziamlili drony na fiuzielaž samalota.

Miarkujučy pa słovach Alaksandra Łukašenki i tych kavałkach infarmacyi, jakija pieradało dziaržaŭnaje telebačańnie, heta była razhalinavanaja apieracyja sa składanym płanam, u realizacyi jakoha byli zadziejničanyja šmatlikija biełarusy, jak mužčyny, tak i žančyny. 

Choć Alaksandr Łukašenka paviedamiŭ pra zatrymańnie ažno 20 čałaviek, dziaržaŭnyja ŚMI pakazali kadry zatrymańnia tolki hramadzianina Ukrainy Mikałaja Šviaca. Ni dopytaŭ, ni kadraŭ zatrymańnia, ni niejkich inšych dokazaŭ zatrymańnia inšych nazvanych łukašenkaŭcami nibyta datyčnych da hetaha ludziej nie pryvodzicca.

Videa BT stvorana z kamientaroŭ čekistaŭ i dopytu Mikałaja Šviaca, źniataha ź niekalkich rakursaŭ. Nielha skazać napeŭna, ci byŭ chto zatrymany razam ź Mikałajem Šviacom.

«Naša Niva», hruntujučysia na infarmacyi dziaržaŭnych ŚMI, paviedamlała pra zatrymańnie Aleha Syčova i jaho žonki Nastaśsi Pilko. Pravaabaroncy i žurnalisty taksama byli peŭnyja, što jany zatrymanyja, abapirajučysia na paviedamleńni žycharoŭ vioski Čarciaž i maŭčańnie ich svajakoŭ. Choć, pa źviestkach «Viasny» na ciapierašni momant, para zatrymanaja, paśla filma BT stała niezrazumieła, što ź imi, a kali jany zatrymanyja, to ci jany ŭvohule datyčnyja da spravy. 

Dziaržaŭnaje telebačańnie spačatku nazyvała ich imiony ŭ adnym šerahu z zatrymanym Šviacom, ale ŭ repartažy 9 sakavika ich užo achryścili «biehłymi». Tak łukašysty nazyvajuć tych, kaho im nie ŭdajecca schapić. 

Nie pakazali ŭ filmie i inšych ludziej, jakija ŭzhadvalisia jak datyčnyja da supraciŭleńnia — heta Vital Jakucik, Michaił Dziomin, Ała Jacuta. Miarkujučy pa filmie BT, usie jany abo chavajucca, abo vyjechali za miažu.

Zatoje paviedamlajecca pra zatrymańnie šmatlikich vypadkovych ludziej. Heta i vydaviec-vieteran Źmicier Kołas, u jakoha drukarom pracavaŭ Aleh Syčoŭ, i siastra Ały Jacuta, jakaja prosta pryniała jaje doma (paviedamlajecca, što suprać žančyny zaviali kryminalnuju spravu). Heta nahadvaje ŭziaćcie zakładnikaŭ nacystami ŭ adkaz na dyviersii padpolla ŭ čas Druhoj suśvietnaj.

Mahčyma, akramia Šviaca, rolu jakoha jašče treba vyśvietlić, nie zatrymali nikoha, akramia vypadkovych ludziej? Sapraŭdy, prychodzili paviedamleńni pra dziasiatki, a moža być i sotni randomnych zatrymańniaŭ ludziej, jakija žyvuć vakoł Mačuliščaŭ, strałkoŭ, strajkbalistaŭ, rekanstruktaraŭ. Zatrymańni praciahvajucca.

Kali tak, to «dvaccać zatrymanych», ahučanych Łukašenkam, jak i kviacistyja apoviedy pra «zanadta mały» dron i supiersučasnyja technałohii, i navat uznaharodžańnie siłavikoŭ — heta blef, kab stvaryć uražańnie, što situacyja dobra kantralujecca.

«Naša Niva» — bastyjon biełaruščyny

PADTRYMAĆ

Čytajcie jašče:

Minuła 4 dni, jak KDB zabraŭ vydaŭca Źmitra Kołasa. Źviazana sa spravaj pra Mačuliščy?

Stała viadoma, chto taki Jakucik, pra jakoha pa ŭsioj Biełarusi dapytvali strałkoŭ, i ŭ čym jaho abvinavačvajuć

KDB zajaviŭ pra datyčnaść da dyviersii suprać samalota ŭ Mačuliščach śpiecsłužbaŭ Polščy

Kamientary6

  • archiŭ scenaroŭ
    10.03.2023
    Vielmi nahadvaje razborku paśla ŭzryvu ŭ mietro. 
  • Jediem dalšie
    10.03.2023
    saša, nu nie dadut tiebie biełarusy uničtožiť Biełaruś i biełarusov, nu nie dadut, kak by ty
    nie pyžiłsia s 1994 hoda, nie dadut prievratiť biełarusov v tiech žie rośsijan ("russkich") s otmietinoj !
     Poniatno, čto sidiš na štykach, prievrativ hubop v hiestapo Rośsii v Biełarusi, a KHB prievratił v dievku na podtancovkie hubopa.
     Ujdioš v nikuda i proklatym...
    I da, počiemu nie nahradił za poisk dochłych krys vyživšich v vodoprovodie v 2006 i 2010  hodach ???
  • Ja
    10.03.2023
    Ukrainca zatrymali jašče pry pieršym ŭjeździe ŭ Biełaruś u studzieni. I trymali ŭ kdb až pakul nie pradali Łukašenku jak terarysta. I ŭ drukarniu advieźli sami kab choć niejak źviazać ź biełaruskim rucham. Tak jon i chavaŭsia ŭ domy aryštavanaha kilka dni tamu drukara :)

Banki źnižajuć prybytkovaść pa valutnych depazitach da 0,1%. Tłumačym matematyku2

Banki źnižajuć prybytkovaść pa valutnych depazitach da 0,1%. Tłumačym matematyku

Usie naviny →
Usie naviny

Sinoptyki prahnazujuć, što navalnicy buduć u Minsku da kanca dnia2

Biełaruskaja prapahanda stvaryła tabłoid «Piatnica». Jaki vychodzić u sieradu9

U Minsku zatapiła i stancyju mietro «Uschod». Adnak zakryvać jaje nie stali VIDEA1

Redaktarku haziety Mazyrskaha NPZ, jakuju zatrymlivali za «ekstremizm», zvolnili i zamianili na prapahandysta z Rahačova

Na Vaŭpšasava ŭ Dražni mašyna amal całkam syšła pad vadu FOTAFAKT

Aryna Sabalenka: Plačo zažyło. Na hetym tydni ja pačynaju hulać1

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

bolš čytanych navin
bolš łajkanych navin

Banki źnižajuć prybytkovaść pa valutnych depazitach da 0,1%. Tłumačym matematyku2

Banki źnižajuć prybytkovaść pa valutnych depazitach da 0,1%. Tłumačym matematyku

Hałoŭnaje
Usie naviny →