Кіно

«САС: невядомыя героі»: бадзёранькі серыял пра вайну, мужчын, жанчын і парашуты

Спецыяльная авіяцыйная служба — знанае падраздзяленне брытанскай арміі, якое стала ўзорам для арганізацыі сілаў спецаперацый шмат у якіх краінах. Канал ВВС прэзентаваў серыял пра тое, як паўставала САС.

Гэтае фота і наступнае: кадры з афіцыйнага трэйлера серыяла

Калі чытаеш назву — «САС: невядомыя героі» (SAS: Rogue Heroes) — можна падумаць, што гэта будзе дакументалка на гістарычным канале. Але гэта не дакументалка, а вялікая драма пра стварэнне сіл спецпрызначэння ў 1941 годзе. Дасціпная, жвавая, упэўненая ў сабе і часам вельмі жорсткая, папярэджвае Guardian.

У стужцы многае класічна — ад музыкі, стылізаванай пад тую эпоху, да сцвярджэння, што серыял заснаваны на праўдзівых падзеях. Сцэнарыст карціны Біл Найт казаў журналістам, што яму давялося згладзіць некаторыя вуглы, каб гледачам было лягчэй паверыць у гісторыю.

А гэтая гісторыя і праўда можа падацца абсурднай. Пачынаецца яна з калоны грузавікоў, што спрабуюць прабіцца з Каіра ў стратэгічна важны партовы горад Тобрук. Потым вам хутка раскажуць пра становішча ў Другой сусветнай вайне на той момант — гэта быў момант, калі здавалася, што калі Брытанія і саюзнікі не зменяць тактыкі змагання супраць фашыстаў, іх чакаюць паразы.

Мы чуем лаянку, бачым электрагітары і пачынаем здагадвацца, што перад намі — не класічная прыгладжаная ваенная драма. Гэтае пачуццё толькі ўзмацняецца, калі мы знаёмімся з героямі бліжэй. Здаецца, дысцыпліна з арміі павінна мець вялікае значэнне, але герой можа разбіць галаву старшага афіцэра аб раяль, калі той перапыняе яго партыю ў шахматы, і яго пры гэтым не пакараюць.

Невядомыя героі з САС дзёрзкія, бо вайна дае магчымасць быць дзёрзкім. Як кажа ў сваёй серыяльнай прамове Дэвід Стырлінг, заснавальнік САС, вайна дала ім свабоду паводзіць сябе як «звяры. А мы і ёсць звярамі».

Фашысты наступаюць на поўначы Афрыкі, і аднаму з герояў прыходзіць ідэя. Што калі стварыць парашутны полк і атакаваць нацысцкія канвоі з пустыні, а не з мора? 

Ёсць тут і жанчына — Ева, афіцэр французскай разведкі ў чырвонай сукенцы з чырвонай памадай і цыгарэтай, якая гатовая адпраўляць мужчын на верную смерць.

Ёсць і інтрыгі.

Біла Найта, сцэнарыста «САС: невядомых герояў», ведаюць па «Вострых казырках», для якіх ён таксама пісаў сцэнарый. Ваенная драма ад Найта атрымалася весялейшай, хаця і ў нечым падобнай да серыяла-папярэдніка. Бадзёранькі серыял на выхадныя.

Рэйтынгі на вялікіх сусветных рэсурсах:

IMDB — 8,2/10

Rotten Tomatoes — 100% (крытыкі), 89% (гледачы)

Чытайце таксама:

Carbon — фільм, пра які гаворыць уся Малдова. Горкая (і своечасовая) камедыя пра вайну ў Прыднястроўі

«Тры сасны» (Three Pines) — новы дэтэктыўны серыял пра канадскую глыбінку

Каментары

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта6

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта

Усе навіны →
Усе навіны

За «абразу прадстаўніка ўлады» мастачцы з Полацка прызначылі прымусовае лячэнне. Яна вярнулася з Польшчы3

«З лёгкім ветрам» і «Нарэшце, бро» — што пішуць Байдэну ў твітары

Стрыжак расказаў, ці ўзяў бы мільён даляраў ад Чыжа6

У Беларусі з'явіцца нацыянальны відэахостынг — видео.бел 10

Джэй Ло перастала насіць заручальны пярсцёнак. Канец гісторыі кахання

Адэсіт за $6 тысяч збег ад мабілізацыі ў Расію, дзе стаў кантрактнікам. А калі трапіў на фронт, то здаўся ўкраінцам9

Чаму Байдэн вырашыў выйсці з гонкі? Вось што пра гэта пішуць сусветныя медыя4

Сотні буслоў сабраліся на адным полі ля Гродна ФОТАФАКТ2

Колькасць легкавікоў на беларуска-польскай мяжы вырасла да гіганцкіх 3501

больш чытаных навін
больш лайканых навін

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта6

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта

Галоўнае
Усе навіны →