Бетонны бюст 1969 года вырабу з’явіцца каля паліклінікі №4, якая носіць імя Леніна. Калісьці падобны арт-аб’ект тут ужо быў, але вельмі даўно, уначы з 4 на 5 жніўня 1994-га года яго пашкодзілі невядомыя асобы. Аднаўляць бюст не сталі, а вось больш як праз 25 гадоў мясцовыя ўлады вырашылі, што Ленін на гэтым месцы будзе вельмі актуальны, піша «Віцебская вясна».
Заменіць пашкоджаны бюст вельмі падобная да яго скульптура. Яе збіраюцца «перасяліць» з былой тэрыторыі РАУСа Кастрычніцкага раёна. Там бетонны бюст Леніна стаяў ва ўнутраным двары, адмежаваны ад мінакоў высокім плотам і калючым дротам.
Цяпер жа, калі райаддзел міліцыі пераехаў у новы будынак на вуліцы Церашковай, былыя «міліцэйскія» памяшканні выстаўленыя на продаж амаль за 3 мільёны рублёў — гэта цэлы комплекс гістарычнай забудовы вуліцы Суворава (былой Узгорскай). Кошт бюста Леніна ў ацэначную вартасць комплексу не ўвайшоў: скульптуру аддалі на рэстаўрацыю.
Тое, што гэта не твор мастацтва, а «штампоўка» — тыповая для савецкіх часоў выява Леніна, цяперашнія ўлады ніколькі не бянтэжыць. 7 лістапада, да чарговых угодкаў Кастрычніцкай рэвалюцыі, бюст Леніна плануюць адкрыць ва ўрачыстай абстаноўцы з абавязковым удзелам членаў камуністычнай партыі, БРСМ і «Белай Русі».
У Беларусі перад выбарамі могуць блакаваць інтэрнэт — як да гэтага падрыхтавацца, каб быць на сувязі2
Каментары