Za «dyskredytacyju Respubliki Biełaruś».
5 krasavika hałoŭny redaktar «Bobrujskoho kuŕjera» Anatol Sanacienka byŭ pa telefonie zaprošany da svajho padatkovaha inśpiektara — Haliny Tanviravaj, jakaja absłuhoŭvaje jaho vydavieckuju firmu. Pra heta paviedamlaje pres-słužba BAŽ.
Paśla karotkaha razmovy ź inśpiektaram ŭ kabiniet uvajšli dvoje supracoŭnikaŭ KDB, jakija pradstavilisia — adzin padpałkoŭnikam Dźmitryjem Leanidavičam, druhi — prosta Dźmitryjem Hienadźjevičam.
Hutarka praciahvałasia 2,5 hadziny. Uvieś hety čas adździeł pracy ź jurydyčnymi asobami Babrujskaj padatkovaj inśpiekcyi nie dziejničaŭ: padatkovyja inśpiektary vyjšli z kabinieta.
Hutarku z kiraŭnikom «Bobrujskoho kuŕjera» vioŭ Dźmitryj Leanidavič. Jon pradjaviŭ žurnalistu ksierakopii šerahu jaho žurnalisckich publikacyj za 2011 i 2012 hady, raźmieščanych u elektronnym «Bobrujskom kuŕjerie», na sajcie HA «BAŽ» i na «Biełaruskim partyzanie».
Paśla hetaha supracoŭnik KDB prainfarmavaŭ, što publikacyi nieabjektyŭnyja, skažajuć sutnaść taho, što adbyvajecca ŭ Respublicy Biełaruś, i tamu z časam u dačynieńni da žurnalista moža być užyty artykuł 369 č.1 KK RB «Dyskredytacyja Respubliki Biełaruś» — za «pradastaŭleńnie zamiežnaj dziaržavie, zamiežnaj abo mižnarodnaj arhanizacyi zaviedama iłžyvych źviestak ab palityčnym, ekanamičnym, sacyjalnym, vajennym ci mižnarodnym stanoviščy Respubliki Biełaruś, pravavym stanoviščy hramadzian u Respublicy Biełaruś, što dyskredytujuć Respubliku Biełaruś abo jaje orhany ŭłady».
Jak padkreśliŭ aficer KDB, pakolki žurnalisckija materyjały Anatola Sanacienka publikujucca ŭ sietcy internet, na sajtach, jakija mohuć čytać i zamiežniki, dadzieny artykuł Kryminalnaha kodeksu całkam padychodzić dla hetaha vypadku.
Hałoŭny redaktar «Bobrujskoho kuŕjera» prapanavaŭ rabotnikam KDB aformić zaŭvahi da jaho ŭ piśmovym vyhladzie — kab było zrazumieła, na jakoj padstavie i jakija mienavita pretenzii jamu vykazvajuć supracoŭniki KDB.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana11
Kamientary