Biełaruś naviedaje kiraŭnik Papskaj rady pa srodkach masavaj kamunikacyi
Z 12 pa 15 maja Biełaruś naviedaje staršynia Papskaj rady pa srodkach masavaj kamunikacyi arcybiskup Kłaŭdzia Marya Čeli,
paviedamiŭ
Pradstaŭnik Śviatoha prastołu prybudzie ŭ Minsk viečaram 12 maja. 13 maja ŭ staličnym Čyrvonym kaściole (kaściole śviatych Symona i Aleny) vatykanski ijerarch sustreniecca z pradstaŭnikami śvieckich i relihijnych ŚMI. Z žurnalistami śvieckich srodkaŭ masavaj infarmacyi sustreča projdzie pa temie «Etyka ŭ ŚMI», relihijnych — pa temie «Nieabchodnaść vykarystańnia ŚMI ŭ spravie jevanhielizacyi». Zapłanavana taksama praviadzieńnie śviatoj imšy z udziełam arcybiskupa Čeli.
14 maja pasłaniec papy naviedaje Mir i Niaśviž, dzie ŭ kaściole Božaha Cieła zapłanavana liturhija.
U zaviaršeńnie vizitu 15 maja pradstaŭnik Śviatoha prastołu razam ź viernikami budzie malicca ŭ Minskim archikafiedralnym kaściole najśviaciejšaj Panny Maryi.
Papskaja rada pa srodkach masavaj kamunikacyi, jakaja adkazvaje za raspaŭsiudžańnie chryścijanskaj viery ŭ ŚMI, zajmajecca i prablemaj etyki ŭ internecie. Rada była zasnavana ŭ 1948 hodzie papam Pijem XII jak Papskaja kamisija pa pavučalnych i relihijnych filmach. Z 1954 hoda hety orhan pad nazvaj «Papskaja kamisija pa kiniematahrafii» naroŭni z kino zaniałasia radyjo i telebačańniem. U 1964 hodzie papa Pavieł VI uklučyŭ u śfieru dziejnaści kamisii haziety i časopisy. Padčas reformy Rymskaj kuryi ŭ 1988 hodzie papa Jan Pavieł II pieraŭtvaryŭ kamisiju ŭ Papskuju radu pa masavych kamunikacyjach.
Arcybiskup Kłaŭdzia Marya Čeli ŭznačalvaje radu z 27 červienia 2007 hoda. U studzieni 2008 hoda jon zajaviŭ, što katalickija ŚMI nie pavinny stać instrumientami relihijnaha ci kulturnaha fundamientalizmu, a pavinny być źviernutyja da ŭsich ludziej — viernikaŭ i niaviernikaŭ.
U Rahačovie try školnicy źbili 11-hadovaha chłopčyka, ściahnuli ź jaho trusy i imitavali seks7
Kamientary