U Maryupali (Ukraina) 16-hadovy padletak, syšoŭšy z domu, 10 dzion, nie vyłaziačy, pravioŭ u kampjutarnym kłubie. Maci padletka, jaki prapaŭ bieź źviestak, źviarnułasia ŭ milicyju.
Syn pakinuŭ joj zapisku, u jakoj paabiacaŭ viarnucca praz paŭtara tydnia. Z saboj jon prychapiŭ 3 tys. hryŭniaŭ (kala $375).
Da vyšuku byli pryciahnutyja ŭsie supracoŭniki kryminalnaj milicyi, infarmacyju raźmiaścili ŭ presie. Tolki praz 4 dni paśla pačatku pošukaŭ małady čałaviek byŭ znojdzieny ŭ centry horada ŭ kampjutarnym kłubie i adpraŭleny dadomu.
Dni i nočy jon pravodziŭ za manitoram, adłučaŭsia tolki ŭ prybiralniu i biehaŭ pa ježu ŭ bližejšuju kramu.
Da taho momantu, jak jaho znajšli, Ihar paśpieŭ patracić na hulni bolšuju častku hrošaj, tak što nie staŭ piarečyć daterminovamu viartańniu dadomu. Miž tym nichto z administrataraŭ hulniavoj ustanovy nie źviarnuŭ uvahi na toje, što niapoŭnahadovy žyvie ŭ ich užo 10 dzion.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary