Śviet4242

Izrail atakavaŭ fłatyliju z hruzami dla paleścincaŭ: 16 zabitych

Šeść sudoŭ z 10 tys. ton humanitarnaj dapamohi nakiroŭvalisia ŭ siektar Haza.

Izrailskija karabli atakavali šeść sudoŭ tak zvanaj «Fłatylii svabody» z 10 tysiačami ton humanitarnaj dapamohi i budaŭničych materyjałaŭ, jakija nakiroŭvałasia ŭ siektar Haza.

Jak paviedamlajuć izrailskija ŚMI, u pierastrełcy zahinuli 16 čałaviek, kala 30 čałaviek byli paranienyja. Pry hetym kamandavańnie izrailskaj armii aficyjna zabaraniła žurnalistam raspaŭsiudžvać infarmacyju ab zahinułych i paranienych u vyniku pierachopu.

Ministerstva zamiežnych spraŭ Turcyi ŭžo apublikavała zajavu, jakaja rezka asudžaje dziejańni Izraila, nazvaŭšy ich nieprymalnymi i parušajučymi mižnarodnaje zakanadaŭstva. Pa słovach tureckaha ministra, incydent moža pryvieści da «niepapraŭnych nastupstvaŭ» dla dvuchbakovych adnosin pamiž Izrailem i Turcyjaj. Pradstaŭnik izrailskaha ŭrada, u svaju čarhu, zajaviŭ što «škaduje ab usich achviarach» apieracyi pa zachopu fłatylii.

Na kadrach, pakazanych telekampanijaj «Al-Džazira», vidać, što pierachop supravadžaŭsia stralboj. Adzin z karabloŭ byŭ uziaty na abardaž pry padtrymcy viertalotaŭ, jaho kapitan byŭ paranieny.

Pavodle źviestak paleścinskaha boku, incydent adbyŭsia ŭ niejtralnych vodach, za 150 km ad uźbiarežža Hazy.

VVS, paviedamlaje što na dadzieny momant fłatylija znachodzicca niepadalok ad Kipra i nie źbirajecca admaŭlacca ad namieru trapić u siektar Haza.

Raniej izrailskija ŭłady zajaŭlali, što majuć namier zatrymać marski karavan, a aktyvistaŭ i pravaabaroncaŭ departavać. Na šaści sudach, akramia humanitarnych hruzaŭ, znachodzilisia kala 600 prapaleścinskich aktyvistaŭ i pravaabaroncaŭ ź jeŭrapiejskich i arabskich krain.

Ekanamičnaja błakada Hazy z boku Izraila i Jehipta praciahvajecca ŭžo amal try hady — z taho momantu, jak da ŭłady ŭ siektary pryjšoŭ vajenizavany ruch CHAMAS. Izrail pieršapačatkova nazyvaŭ dziejańni «Fłatylii svabody» palityčnaj pravakacyjaj i papiaredziŭ, što kali jaje karabli ŭsio ž nabliziacca da Hazy, izrailskija vajenna-marskija siły nakirujuć ich u port horada Ašdod, adkul usie 600 udzielnikaŭ fłatylii buduć departavanyja.

Kamientary42

Upaŭ z kresła i nie paśpieŭ adklučyć kamp‘jutar. Na jakich drobiaziach prakołvalisia rasijskija raźviedčyki?2

Upaŭ z kresła i nie paśpieŭ adklučyć kamp‘jutar. Na jakich drobiaziach prakołvalisia rasijskija raźviedčyki?

Usie naviny →
Usie naviny

Kamanda Trampa zajaviła, što padtrymka Ukrainy budzie praciahnutaja7

«Łukašenka zładziŭ dziaržaŭny pieravarot i praktykavaŭ palityčnyja zabojstvy». Za što bijahrafiju Niamcova mahli pryznać «ekstremisckaj»12

U Minsku adkrytym połymiem hareŭ «Opiel» VIDEA

«Aproč tych dvanaccaci hadoŭ, kali jon piŭ». Niazvykłyja ŭspaminy ŭdavy Ryhora Baradulina13

Pamierła Valancina Baradulina2

U aŭtorak u Dziaržynsku prajšli zatrymańni i pieratrusy1

Rasijskaje hramadstva choča vajny, pakazvajuć apytańni22

Vystavili na prodaž budaŭničy rynak «Uručča»

Novyja staŭki padatkaŭ u 2025 hodzie. Kolki i za što daviadziecca płacić?1

bolš čytanych navin
bolš łajkanych navin

Upaŭ z kresła i nie paśpieŭ adklučyć kamp‘jutar. Na jakich drobiaziach prakołvalisia rasijskija raźviedčyki?2

Upaŭ z kresła i nie paśpieŭ adklučyć kamp‘jutar. Na jakich drobiaziach prakołvalisia rasijskija raźviedčyki?

Hałoŭnaje
Usie naviny →