Muzyka22

Biełaruski hurt Intelligency vypuściŭ pieršy za dva hady albom. Raniej chit August prynios im suśvietnuju viadomaść

Adna z samych papularnych hrup Biełarusi vypuściła pieršy za dva hady paŭnafarmatny albom The Ideals. 

I suśvietnuju nie dla pryhažości: pieršaje miesca ŭ Shazam, dziasiatki miljonaŭ prasłuchoŭvańniaŭ, kantrakt z mejdžar-lejbłam Warner Brothers i taniec Bieniedykta Kambierbetča ŭ TikTok — voś vyniki dobra viadomaha ŭsim chita, piša Onliner.by.

Z taho času Intelligency kančatkova zamacavalisia ŭ roli adnych z chedłajnieraŭ biełaruskaj sceny. Ich pa-raniejšamu štomiesiac słuchajuć miljony ludziej na roznych placoŭkach (1,2 młn u «Jandeks Muzycy» — surjozny pakazčyk), ich pa-raniejšamu pavažajuć i lubiać. Ale fanaty daŭno čakali novaha paŭnavartasnaha alboma.

I voś heta zdaryłasia. Intelligency — vialiki, 16-trekavy reliz, jaki hučyć jak Intelligency na steroidach. Toj samy mieładyjny vakał, tyja ž sintezatary i techna, jakija časam vielmi eklektyčna pieratvarajucca ŭ lohki drum'n'bass. Uvohule, taja samaja znajomaja elektronika dla intelihientaŭ, ale z zubami i amal u dvajnym, u paraŭnańni z zvyčajnym, abjomie. Voś što pra novuju muzyku hrupy kaža sam frantmen Intelligency Usievaład Doŭbnia.

— Heta hałoŭnaja naša praca z časoŭ alboma, dzie vyjšaŭ toj samy August, jaki zrabiŭ nas papularnymi pa-za miežami Biełarusi. A ŭvohule, napeŭna, i za ŭsiu karjeru. Zvyčajna my starajemsia napisać 11—12 trekaŭ, žorstka adbirajem ich, kab usio ŭmiaściłasia na adnoj viniłovaj kružełcy. A tut vyjšła 16 trekaŭ, i ruka nie padniałasia vykinuć nivodzin.

— Kali ŭ vas vychodziŭ minuły albom, vy prydumali vyznačeńnie svajho žanru — «techna-bluz». Dla hetaha alboma novy žanr taksama prydumali?

— Heta ŭsio jašče techna-bluz, ale ciapier kryštalizavany, daviedzieny da ideału. Liču, što my zaraz u svajoj najlepšaj formie.

— Płanujecie tur?

— Tak, chutka pajedziem u jeŭrapiejski tur. U nas tam pa-raniejšamu dastatkova słuchačoŭ. U tym ža Spotify ich stabilna pa 200 000 u miesiac. Pieršy bilet novaha tura, naprykład, kupiŭ čech. Karaciej kažučy, zały pustymi nie buduć dakładna.

— Što jašče ty chacieŭ by dadać pra albom?

— Šmat u čym heta albom-terapija. Spadziajusia, kamuści ad jaho stanie praściej, lepš i pryjemniej. Nam usim treba zakančvać z hetaj zaciažnoj depresijaj. Usio budzie dobra.

Kamientary2

  • Biełarus
    12.10.2024
    "Nam usim treba zakančvać z hetaj zaciažnoj depresijaj..."
    I sapraŭdy, nahody ž sumavać bolš niama. Prablema vyrašana. Tamu treba viesialicca. Pierahortvajem staronku pad vydatnyja bity.

    Padobna, niama ŭ nas budučyni.
  • Jura Choj
    12.10.2024
    "1,2 młn u «Jandeks Muzycy» — surjozny pakazčyk." Dalej čytać nie staŭ...

Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»9

Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»

Usie naviny →
Usie naviny

Tramp uvodzić sankcyi suprać Mižnarodnaha kryminalnaha suda21

Papularny DNK-servis abnaviŭ danyja. U biełarusaŭ rezka vyrasła dola bałtyjskich hienaŭ63

Psichołah: Mužčynam lepš nie stavić fota z šašłykom na sajcie znajomstvaŭ22

Handlovaja sietka «Try cany» značna pašyrycca na Rasiju

Kitaj, imavierna, pabudavaŭ samuju vialikuju ŭ śviecie padłodku-bieśpiłotnik1

Pad Dobrušam dyrektarka ahrapradpryjemstva dva miesiacy źbivała hałoŭnuju buchhałtarku8

Šarenda-Panasiuk: Heta jak uvaskrašeńnie ź miortvych. Ja dumała, što ŭžo nie vyjdu21

«U Jeŭropie reč moža kaštavać 30 jeŭra, a ŭ nas — usie 100». Biełarusy raskazali, jak kuplajuć brendavyja rečy, jakija nie pradajucca na radzimie3

U minskim parku Horkaha adkryłasia kaviarnia ź niezvyčajnym dyzajnam

bolš čytanych navin
bolš łajkanych navin

Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»9

Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»

Hałoŭnaje
Usie naviny →

Zaŭvaha:

 

 

 

 

Zakryć Paviedamić