Alaksandr Łukašenka 21 žniŭnia padpisaŭ Ukaz № 328 «Ab ažyćciaŭleńni fizičnymi asobami ramiesnaj dziejnaści». Uradu daručana da 1 vieraśnia vyznačyć pieralik vidaŭ ramiesnaj dziejnaści.
Z 1 kastryčnika rehistracyja fizičnych asob u jakaści ramieśnikaŭ budzie ažyćciaŭlacca ŭ adpaviednaści z dadzienym pieralikam.
U hety pieralik, u pryvatnaści, płanujecca ŭklučyć kavalskuju spravu, mastackuju apracoŭku i rośpis vyrabaŭ z dreva, kamienia, kieramiki, vyrab pražy, a taksama asobnyja tradycyjnyja nacyjanalnyja vidy ramiostvaŭ.
Adnačasova ŭ metach adradžeńnia ŭnikalnych ramiostvaŭ miascovyja orhany ŭłady nadzieleny pravam vyznačać dadatkovyja vidy takoj dziejnaści na svajoj terytoryi.
U zaležnaści ad režymu padatkaabkładańnia ažyćciaŭleńnie ramiesnaj dziejnaści budzie mahčyma pry vypłacie padatku na prafiesijny dachod albo ramiesnaha zboru.
Da padstavaŭ dla pryniaćcia miascovymi orhanami rašeńnia ab vypłacie fizičnaj asobaj ramiesnaha zboru ŭkazam adniesieny najaŭnaść statusu narodnaha majstra, členstva ŭ Biełaruskim sajuzie majstroŭ narodnaj tvorčaści, praca na pasadzie majstra narodnych promysłaŭ (ramiostvaŭ), atrymańnie piensii pa ŭzroście abo za vysłuhu hadoŭ, invalidnaść I abo II hrupy, pražyvańnie ŭ małanasielenym punkcie (da 50 čałaviek).
Va ŭkazie taksama vyznačany paradak pačatku ažyćciaŭleńnia ramiesnaj dziejnaści.
Dla hetaha spatrebicca atrymać paviedamleńnie praz mabilny dadatak «Padatak na prafiesijny dachod» pry vypłacie takoha padatku ci administracyjnaje rašeńnie miascovych orhanaŭ ułady pry vypłacie ramiesnaha zboru.
Dakumient zabaraniaje vykarystoŭvać u ramiesnaj dziejnaści pramysłovyja mašyny i abstalavańnie. Ramieśnikam možna pradavać vyraby na arandavanych płoščach u handlovych i inšych abjektach, handlovych centrach, u internecie, a taksama praź jurydyčnyja asoby i indyvidualnych pradprymalnikaŭ pa hramadzianska-pravavych dahavorach.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?54
Kamientary