Zdareńni44

Łukašenka prapanavaŭ źmiakčyć šerah kryminalnych artykułaŭ. Ale «palityčnych» heta nie budzie tyčycca

Alaksandr Łukašenka ŭnios u parłamient zakonaprajekt «Ab źmianieńni kodeksaŭ pa pytańniach kryminalnaj adkaznaści», jakim praduhledžvajecca źmianšeńnie pakarańnia pa niekatorych artykułach, paviedamlaje jaho pres-słužba.

Ilustracyjnaje fota UUS Homielskaha abłvykankama

Raspracoŭkaj zakonaprajekta zajmałasia śpiecyjalna stvoranaja pry Administracyi rabočaja hrupa, jakaja praviała sistemny analiz normaŭ kryminalnaha i Kryminalna-pracesualnaha zakonaŭ, na asnovie daručeńniaŭ, dadzienych Łukašenkam 11 studzienia. U vyniku vypracavanyja i realizavanyja ŭ ramkach zakonaprajekta nastupnyja padychody.

Pierahledžany sankcyi 97 składaŭ złačynstvaŭ. Ź ich 65 dapoŭnieny alternatyŭnymi bolš miakkimi vidami pakarańniaŭ (24 składy złačynstvaŭ siońnia ŭtrymlivajuć pazbaŭleńnie voli jak adzina mahčymaje pakarańnie). Jašče ŭ 32 uniesieny karekciroŭki, u tym liku dla likvidacyi dysbałansu ŭ sankcyjach.

Paviedamlajecca, što ŭzmacniajecca humanistyčny składnik kryminalnaha zakona. Vyznačajecca, što tyja, chto ŭpieršyniu ŭčyniŭ niaciažkija złačynstvy: žančyny i adzinokija mužčyny, jakija vychoŭvajuć dziaciej va ŭzroście da 14 hadoŭ, a taksama niepaŭnaletnija i invalidy I hrupy — im pazbaŭleńnie voli nie pryznačajecca.

Vyklučeńnie buduć składać vypadki, kali asoba ździejśniła złačynstva ekstremisckaj skiravanaści abo źviazanaje z užyvańniem hvałtu.

Anałahičnyja praviły praduhledžany ŭ častcy zaklučeńnia pad vartu.

Pieravodziacca ŭ spravy pryvatna-publičnaha abvinavačvańnia (kali zavodzicca sprava pa zajavie paciarpiełaha) złačynstvy ab parušeńni praviłaŭ darožnaha ruchu, što paciahnuła pryčynieńnie škody blizkim svajakam abo členam siamji vinavataj asoby (č.2 art. 317 KK). Hetaja miera zaklikanaja spryjać unutrysiamiejnamu ŭrehulavańniu kanfliktu.

Zakonaprajektam skarektavanyja taksama normy ab adkaznaści za narkazłačynstvy.

Praduhledžvajucca alternatyŭnyja bolš miakkija pakarańni ŭ vyhladzie aryštu na termin da troch miesiacaŭ za nabyćcio abo zachoŭvańnie narkotykaŭ (č.1 art. 328 KK); abmiežavańni svabody za razavyja vypadki ich zbytu (č. 2 art. 328 KK).

Adnačasova źmianšajecca nižni pamier pakarańnia za zbyt narkotykaŭ u składzie arhanizavanaj hrupy z 10 da 8 hadoŭ pazbaŭleńnia voli (č.4 art. 328).

Zaznačajecca, što adpaviednyja miery dazvolać sudam bolš hnutka padychodzić da pytańniaŭ pryznačeńnia pakarańnia z ulikam hramadskaj niebiaśpieki złačynstva i asoby vinavataha.

Dalejšaja praca nad zakonaprajektam budzie ažyćciaŭlacca na placoŭcy parłamienta.

Kamientary4

  • poniatno
    08.08.2024
    Poniatno, nado miesta osvoboždať pod politzaklučionnych, vypuskaja diekłaśsirovannych, opuŝiennych, baryh i bomžiej......., t.ie. kłassovo blizkich łukašienku i jabaťkam.
  • Josik
    08.08.2024
    Niama kamu na zavodach pracavać, što takija "źnižki" za narkotyki? Zabiŭ kasiak, ź siabrami papaliŭ i atrymali pa 5-8 hadoŭ raniej, a zaraz 3 miesiacy vulicy možna mieści. I samaja cikavaje, što iznoŭ prapanova ad jurystapamiežnikaahranoma, niama kamu ŭ krainie prapanovy ŭnosić. Mo Kolku złavili z kasiakom, dyk i źmiahčajuć 'zakon'?
  • Lublu pychnuť
    08.08.2024
    Chorošaja novosť. Ja by na miestie priezidienta Biełarusi voobŝie lehalizovał hanžubas, no i tak norm. Spasibo Łukie za šah v pravilnom napravlenii.

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie

Usie naviny →
Usie naviny

Jak telešou dapamahli źnizić kolkaść razvodaŭ u Paŭdniovaj Karei2

Anastasija Niufier z ZŠA, vyzvalenaja ŭ Biełarusi ŭ dzień vybaraŭ, apublikavała pieršaje fota

Dva homielskija kur‘jery zabrali 100 tysiač u 87-hadovaj žančyny, kinuli kuratara i pačali sałodkaje žyćcio5

U 35 hadoŭ pamior padpałkoŭnik, jaki zajmaŭsia asabliva važnymi spravami ŭ centralnym aparacie MUS7

Mus moka. Jak nasić samy modny koler hetaha hoda?12

Administracyja Trampa skaračaje štat USAID u 30 razoŭ8

Na miažu viarnułasia čarha z aŭtamabilaŭ1

Milicyja raskazała, što rabić pry šantažy intymnymi fota ŭ Siecivie

Pošta nie pierasyłaje hrošy niekatorym palitviaźniam

bolš čytanych navin
bolš łajkanych navin

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie

Hałoŭnaje
Usie naviny →

Zaŭvaha:

 

 

 

 

Zakryć Paviedamić