U Minsku student skinuŭ z 8-ha paviercha kresła i trapiŭ u prachožuju. Što vyrašyŭ sud?
U sudzie Leninskaha rajona Minska prajšło pasiadžeńnie pa kryminalnaj spravie ŭ dačynieńni da 21-hadovaha studenta. Chłopca abvinavačvali ŭ ździajśnieńni asabliva złosnaha chulihanstva — jon skinuŭ kresła z vośmaha paviercha i trapiŭ u vypadkovuju žančynu, paviedamlajuć Minsk-Naviny.
23 sakavika kampanija maładych ludziej raśpivała ałkahol u kvatery adnaho z damoŭ na praśpiekcie Rakasoŭskaha. Ranicaj, kali ŭsie syšli spać, chłopiec razam z haspadarom žyłpłoščy padnialisia na vośmy pavierch i vyjšli na ahulny bałkon.
Tam abvinavačany zaŭvažyŭ draŭlanaje kresła i kinuŭ uniz. Tavaryš zdymaŭ heta na kamieru mabilnaha telefona. Pahladzieŭšy ŭniz, małady čałaviek ubačyŭ, što kresła zvaliłasia na minaka, pra što paviedamiŭ tavaryšu, adnak toj nijak nie adreahavaŭ, i jany viarnulisia ŭ kvateru.
Paciarpiełaja śpiašałasia na pracu i dastała z kišeni telefon, kab pahladzieć čas. Raptam jana adčuła mocny ŭdar u vobłaści plača, ad bolu i šoku Žančyna vypuściła sumku i hadžet — u jaho raźbiŭsia sensarny ekran. Na ščaście, sama hramadzianka surjoznych traŭmaŭ nie atrymała.
Praź niekalki dzion chulihana zatrymali ŭ internacie, raspačali kryminalnuju spravu i ŭziali pad vartu. Pieršapačatkova vinu małady čałaviek nie pryznavaŭ.
Padčas apošniaha słova jon skazaŭ, što ščyra raskajaŭsia ŭ zroblenym, prynios prabačeńni paciarpiełaj i prasiŭ sud stroha jaho nie karać.
U vyniku sud pakaraŭ jaho tryma z pałovaju hadami chatniaj chimii. Akramia taho, abvinavačany na karyść paciarpiełaj pavinien vypłacić 1 000 rubloŭ u košt kampiensacyi maralnaj škody, naniesienaj złačynstvam.
Kamientary
Pavinna być adekvatnaja hryŭna na karyść paškadavanajetžančyny. ja nia viedaju pamieru vyciataści ramiona, stralaju, što nia mieniej jak tysiačaŭ 10-20 dalaraŭ.
A nie kabieta niejkich inspektaroŭ nahladu, kab ŭ chacie siedzieŭ viečarami musić apłacić.
I, pačytaŭ kamentary, heta žudasnaja, jak ludzi zakutyja ŭ paradyhmie karnaha pryncypu sudoŭ (ŭ prociležnaść kampensacyjnamu).