Udzielnikam prapahandysckaha filma pra vajnu va Ukrainie daduć dadatkovy hanarar, što nie kinuli prajekt «jak inšyja»
Udzielnikam prapahandysckaha filma «Svaich nie kidajem» pra vajnu va Ukrainie, jaki zdymali ŭ Smalavičach, padziakujuć dadatkovym hanararam za viernaść, piša «Śviaŝiennyj Biełavud».
Hrošy abiacajuć tym, chto «nie kinuli svaich» i «nie padviali, jak mnohija inšyja».
«Usie, chto byŭ 6 maja rasstralany i hieraična pieranios usie niahody zdymak, — vam budzie abiacanaja dapłata <…> Taksama 6 čałaviek navabrancaŭ, jakija byli apošnija dni i nie kinuli svaich, vam taksama budzie premija za stojkaść i toje, što nie padviali nas jak mnohija inšyja!»
Jak piša «Śviaŝiennyj Biełavud», heta ŭskosna śviedčyć, što bolšaść nie pahadžałasia ci navat admaŭlałasia zdymacca ŭ prajekcie. Tych, chto ŭsio ž dajšoŭ da zdymak, pryjšłosia dadatkova prastymulavać.
«Svaich nie kidajem» — heta rasijski prapahandyscki film pra vajnu va Ukrainie, prafinansavany Minkultam RF, jaki ŭ traŭni zdymaŭsia ŭ Smalavičach z udziełam biełaruskich aktoraŭ. Śviaŝiennyj Biełavud piša, što heta pieršaja ahitka pra vajnu, u jakoj zdymajucca biełaruskija aktory.
Biełaruskaja błohierka pracavała na rasijskaj apazicyjnaj fabrycy botaŭ, a paśla źliła dakumienty?43
Kamientary