U kancy maja Polšča ŭviała abmiežavańni suprać kampanii «Mazyrsol». Padrabiaznaści daviedałasia vydańnie «Biełarusy i rynak».
Varšava vyrašyła zamarozić aktyvy i vyklučyć adnaho z najbujniejšych u Jeŭropie vytvorcaŭ charčovaj soli ź dziaržaŭnych zakupak. U abhruntavańni havorycca, što «Mazyrsol» uvachodzić u skład Biełaruskaha dziaržaŭnaha kancerna «Biełdziaržcharčpram», jaki źjaŭlajecca arhanizacyjaj, padviedamasnaj uradu.
Ułady Polščy zajavili, što sankcyi suprać AAT «Mazyrsol» źniziać ekspartnyja mahčymaści kampanii, a značyć, paŭpłyvajuć na abjom srodkaŭ, jakija pieraličvajucca ŭ biełaruski biudžet.
Jak adznačaje vydańnie, u kancy 2023 hoda ź inicyjatyvaj uvieści sankcyi ŭ dačynieńni da biełaruskich vytvorcaŭ pavaranaj soli vystupili halinovaja niekamiercyjnaja arhanizacyja «Polskaja sol» i polskaja kampanija Ciech. Na ich dumku, kampanii ź Biełarusi składajuć surjoznuju kankurencyju polskim vytvorcam. U 2021 hodzie na rynak ES pastupiła pavaranaj soli ź Biełarusi na 22 młn jeŭra, u tym liku ŭ Polšču było zavieziena pradukcyi na 5 młn jeŭra. U 2022-m abjomy ekspartu soli ź Biełarusi ŭ ES upali da 10 młn jeŭra.
«Ludzi, ja viarnułasia ŭ SSSR. Jašče i 170 rubloŭ za hety kašmar!» Błohierka aburyłasia načnoj čarhoj u padatkovuju7
Kamientary
Heta ŭsio što treba viedać pra polskich kryvadušnikaŭ. Kali polski ekspart idzie ŭ RB na sotni miłljonaŭ dalaraŭ, ź jakoha płociacca myty, padatki i hd, to pa viersii panoŭ heta nie ŭpłyvaje “na abjom srodkaŭ, jakija pieraličvajucca ŭ biełaruski biudžet”. A voś kali heta biełaruski ekspart, jaki zaminaje polskamu “biźniesu” nabivać sabie kišeni, to jaho možna chutka prybrać, vypuścišŭšy čarhovy cyrkular z “pryhožaj” farmuloŭkaj. Voś takim prostym krokam u Polščy prybirajucca kankurenty. I heta ničym nie adroźnivajecca ad tak zvannych “małočnych vojnaŭ”, jakija raniej ładziła RF suprać biełaruskaj małočnaj pradukcyi. Voś pabačycie jašče, kali ŭ našaj krainie pačnucca demakratyčnyja pieramieny, pačnuć adradžacca pryvatnyja kapmanii, haspadarki ŭ vioskach dy masava z'ŭlacca fiermiery, voś tady polskija ŭłady buduć prymać anałahičnyja miery suprać luboj biełaruskaj pradukcyi, jakaja budzie składać kankurencyju polskaj. To bok jany kankurujuć nie canoj i jakaściu, a zaharadžalnymi abmiežavańniami.
Nie ździŭlusia, što tady i polskija fiermiery buduć błakavać miažu kab zabłakavać impart tannoj syraviny i praduktaŭ ź Biełarusi, jak zaraz jany heta robiać suprać ukrainskaj. A voś miažu z Kalininhradskaj vobłaściu, kudy masava idzie ekspart polskaj fiermierskaj pradukcyi, jany i blizka nie błakujuć.