«Navat babarykancy, jakija jak by architektary vybaraŭ u KR, chočuć ruchać Cichanoŭskuju ŭ niejki bok»
Palityčny analityk Arciom Šrajbman u u jutub-prahramie «Časiki tikajut» vykazaŭsia adnosna taho, jakija mety staviać pierad saboj tyja palityki, što biaruć udzieł u vybarach u Kaardynacyjnuju radu, i jakaja ad hetaha karyść ci niebiaśpieka dla Śviatłany Cichanoŭskaj dy jaje kamandy.
Šrajbman upeŭnieny, što praktyčna ŭsie ŭdzielniki vybaraŭ u pierśpiektyvie nacelvajucca na toje, kab u zručny momant pasunuć Cichanoŭskuju ź ciapierašnich pazicyj:
«Absalutna ŭsie ŭdzielniki pracesu, jakija iduć u KR — akramia ofisnaha śpisu «Jeŭrapiejski vybar» — iduć tudy dla taho, kab niejak ruchać Cichanoŭskuju ŭ niejki bok.
Chtości choča jaje prosta śpichnuć z parapieta, chtości choča brać udzieł u farmavańni [jaje] kabinieta, chtości choča pasunuć jaje ŭ bok inšaha paradku dnia — mabilnaść abo vyzvalenčaja armija.
Navat arhanizatary hetaha pracesu — babarykancy, jakija taksama zajšli biez svajho śpisu, ale jak by architektary hetaha pracesu, — jany taksama chočuć rabić heta z toj ža intencyjaj. Usim [im] niešta nie padabajecca ŭ Cichanoŭskaj».
Viadučaja Jaŭhienija Suhak vykazała mierkavańnie, što ŭ pradstaŭnika babarykancaŭ Ivana Kraŭcova ŭsio heta prajaŭlajecca ŭ mienšaj stupieni, ale Šrajbman zapiarečyŭ:
«Heta na padkorcy. Majučy znosiny z roznymi ludźmi z usich śpisaŭ, ja baču što dyzajn hetaha pracesu ŭ tym, kab zrabić bolš pluralistyčnym heta pole abo pasunuć niekamfortnaje dla ŭsich pa roznych pryčynach lidarstva Ofisa».
Pryčyny ž hetyja nie zaŭsiody supadajuć:
«Heta ŭ mnohich siadzić jašče tam z 2020 hoda, kali jość adčuvańnie niespraviadlivaści taho, što pracu rabili adny ludzi, a skarystalisia jaje pładami inšyja ludzi.
A jość ludzi, jakija na fonie vajny dumajuć, što ofis zajmajecca niejkaj łuchtoj, a treba kazarmu budavać.
Va ŭsich roznyja pryčyny chacieć niešta pamianiać u kanfihuracyi lidarstva».
I ničoha kiepskaha ci nienarmalnaha Šrajbman u hetym nie bačyć:
«Heta palityčny praces. Ja liču, što heta doŭhaterminovaja stratehičnaja meta ŭsich, chto tudy idzie. Navošta heta chavać?»
Da taho, što ŭdzielniki palityčnaha pracesu publična mohuć zajaŭlać zusim advarotnaje, analityk stavicca skieptyčna, bačyć u hetym tolki taktyčnyja chitryki:
«Ciapier Łatuška i Prakopjeŭ buduć raskazvać kazki, što «nie-nie, my chočam pajści, kab umacavać Ofis, my nasamreč pryznajem [lidarstva]»… Ale heta ŭsio robicca dla taho kab uhavaryć Śviatłanu, prosta zakałychać Ofis i Śviatłanu, kab jany padtrymali vybary napiaredadni i ŭklučylisia ŭ ich. A pa fakcie hetaha nie adbyvajecca, Śviatłana nie zaklikaje hałasavać.
I jak by jany chočuć prosta nie zdavacca zanadta pahroźlivymi, ale pa fakcie, kali ŭ ich budzie takaja mahčymaść ciapier ci ŭ 2025 hodzie, heta budzie prosta padnožka ŭ pieršy zručny momant».
U toj ža čas nie varta zabyvacca, što ŭsia hetaja palityčnaja kampanija faktyčna kamiernaja, i ludziej, jakich jana nasamreč cikavić i tym bolš jakija ŭ joj udzielničajuć, vielmi mała, i heta nie prostyja ludzi:
«Cichanoŭskaja vyjhrała na sapraŭdnych vybarach, Łatuška vyjhraŭ na telehram-vybarach. Dy i to navat mienš. Heta vybar navat nie ad prademakratyčnych biełarusaŭ, heta vybar ad jadra ŭnutry jadra ŭnutry jadra».
Šrajbman: Vybary ŭ KR — tannaja treniroŭka dla aktyva. Ale biełarusam unutry Biełarusi jany nie treba
U Biełarusi błakujuć VPN. Što adbyvajecca i jak abyści błakavańnie?
Za pieršy dzień vybaraŭ u Kaardynacyjnuju radu prahałasavali 2463 čałavieki
Biełarusam u Biełarusi prychodziać dziŭnyja spasyłki z zaklikam prahałasavać na vybarach u KR
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA27
Kamientary