Kapitan rasijskaha śpiecnazu Ulman, asudžany ŭ 2007 hodzie za zabojstva šaściarych čałaviek u Čačni, zahinuŭ va Ukrainie
Sprava Ulmana i traich jaho kaleh-vajskoŭcaŭ — adna z samych hučnych spraŭ ab vajennych złačynstvach u historyi sučasnaj Rasii.
Kamandzir hrupy śpiecnaza HRU Eduard Ulman zahinuŭ na vajnie va Ukrainie, paviedamlaje vydańnie «Novaja Buracija» sa spasyłkaj na byłoha kiraŭnika hramadskaj arhanizacyi Sajuz vajskoŭcaŭ «Abarona» Siarhieja Siemančuka i maci Ulmana Natallu Karabiankovu. Padrabiaznaściaŭ, kali i pry jakich abstavinach heta adbyłosia, ŚMI nie pryvodzić.
Sprava Ulmana i traich jaho kaleh-vajskoŭcaŭ — adna z samych hučnych spraŭ ab vajennych złačynstvach u historyi sučasnaj Rasii, piša Bi-bi-si.
U 2002 hodzie rasijskija sałdaty pad kiraŭnictvam Ulmana rasstralali šaściarych mirnych ludziej na prasiołkavaj darozie ŭ Čačni: ciažarnuju šmatdzietnuju maci Zajnap Džavatachanavu, jaje plamieńnika Mahamieda Musajeva, 68-hadovaha dyrektara sielskaj škoły Said-Mahamieda Ałaschanava, zavuča kiroŭcy Chamzata Tuburava.
Pieršapačatkova sałdaty adkryli ahoń pa hramadzianskaj mašynie pamyłkova. Dyrektar škoły byŭ zabity, kiroŭca i zavuč — tolki paranienyja. Kali Ulman dakłaŭ pa racyi ab zdareńni svajmu kiraŭniku majora Alaksieja Pieraleŭskamu, toj zahadaŭ jamu rasstralać usich piaciarych. Ulman pierapytvaŭ jaho dvojčy. Apošni raz jon paviarnuŭ navušniki radyjostancyi tak, kab zahad čuli jaho aficery — Uładzimir Vajavodzin i Alaksandr Kałahanski.
Rasstreł cyvilnych asob pa normach mižnarodnaha prava źjaŭlajecca vajennym złačynstvam. Adnak asudzić Ulmana, Vajavodzina i Kałahanskaha, jakija vykonvali rasstreł, udałosia tolki z treciaha razu: prysiažnyja dvojčy apraŭdvali ich, ličačy, što jany tolki «vykonvali zahad» i nie mahli jaho nie pasłuchacca.
Tolki ŭ 2007 hodzie Paŭnočna-Kaŭkazski vajenny akruhovy sud pryhavaryŭ usich čaćviarych vinavatymi. Pieraleŭskaha pryhavaryli da 9 hadoŭ kałonii strohaha režymu, Ulmana — da 14 hadoŭ. Adnak Ulman i dvoje śpiecnazaŭcaŭ źnikli pierad prysudam. Ich miescaznachodžańnie ŭsie hetyja hady było nieviadoma. Vydańnie «Choład» u artykule, pryśviečanym spravie Ulmana, zhadvała pra «kanśpirałahičnyja teoryi, što Ulman vajuje na Danbasie».
Što zapisana aficyjnaj pryčynaj śmierci adzinaha syna Jarmošynaj?4
Kamientary