Voś što tam možna pabačyć.
![](http://nnexpictures.fra1.digitaloceanspaces.com/img/w732d4webp1/photos/z_2024_04/440414878_8013009155423845_2171272011824092348_n-ibbxc.jpg.webp)
Uračystaje adkryćcio krypty Śviatoha Daminika i biskupa Vita pad kaściołam Śviatoha Michaiła Archanioła adbyłosia ŭ subotu 27 krasavika. Ciapier kožny naviedvalnik Navahrudka moža pabyvać u hetym staražytnym miescy i takim čynam dakranucca da bahataj historyi kraju.
![](http://nnexpictures.fra1.digitaloceanspaces.com/img/w732d4webp1/photos/z_2024_04/440197300_8013009548757139_308389053389456542_n-5gm0s.jpg.webp)
![](http://nnexpictures.fra1.digitaloceanspaces.com/img/w732d4webp1/photos/z_2024_04/440811557_8013008812090546_7305519089159862025_n-irfyq.jpg.webp)
Kryptaj u chryścijanstvie nazyvajecca padziemnaja častka chrama, raźmieščanaja zvyčajna pad ałtarom, jakaja słužyła dla hanarovych pachavańniaŭ.
Navahrudskaja krypta znachodzicca ŭ najstarejšaj častcy kaścioła, dzie jość pachavańni ajcoŭ daminikancaŭ i siamji fundataraŭ kaścioła z rodu Chadkievičaŭ.
Pracy pa padrychtoŭcy krypty kaścioła, jaje ačyščeńni i pryviadzieńni da ładu doŭžylisia try hady.
![](http://nnexpictures.fra1.digitaloceanspaces.com/img/w732d4webp1/photos/z_2024_04/438799679_8013009098757184_3720211425067636005_n-lel55.jpg.webp)
Adkryćcio krypty dla naviedvalnikaŭ było prymierkavana da jubileju 400-hodździa kaścioła Śviatoha Archanioła Michała, jaki adznačajecca sioleta. Uračystaść uznačaliŭ biskup-naminat Uładzimir Hulaj.
![](http://nnexpictures.fra1.digitaloceanspaces.com/img/w732d4webp1/photos/z_2024_04/440336924_8013009588757135_2503563899438700876_n-oxmvd.jpg.webp)
U doŭhim pamiaškańni, pierakrytym cylindryčnym cahlanym sklapieńniem, majecca nievialikaja ekspazicyja, pryśviečanaja historyi horada i śviatyni. Pry ŭvachodzie naviedvalnikaŭ sustrakaje skulptura Chrysta ŭ rozdumie.
![](http://nnexpictures.fra1.digitaloceanspaces.com/img/w732d4webp1/photos/z_2024_04/440342444_8013009415423819_164334918771962156_n-ar574.jpg.webp)
![](http://nnexpictures.fra1.digitaloceanspaces.com/img/w732d4webp1/photos/z_2024_04/440846645_8013009328757161_8875410653738069553_n-xj9uw.jpg.webp)
Uzdoŭž ścien vystaŭleny hrafičnyja tvory Paŭła Tatarnikava, jakija rekanstrujujuć aryhinalny vyhlad staražytnaha biełaruskaha horada z roznych rakursaŭ.
![](http://nnexpictures.fra1.digitaloceanspaces.com/img/w732d4webp1/photos/z_2024_04/440566760_8013008878757206_4251822838159755162_n-s60nl.jpg.webp)
![](http://nnexpictures.fra1.digitaloceanspaces.com/img/w732d4webp1/photos/z_2024_04/440964127_8013009718757122_463749549589829842_n-fudbv.jpg.webp)
U vialikich bakavych nišach, jaki raniej słužyli dla pachavańniaŭ, siońnia za škłom vystaŭlena kaštoŭnaje kaściolnaje načyńnie i abrazy. U adnoj ź nišaŭ — hierb Chadkievičaŭ «Kaścieša» i niekalki trunaŭ, u jakich sabranyja pareštki fundataraŭ.
U dalnim kancy, pierad ałtarom krypty, skulptura archanioła Michaiła, jaki zabivaje źmieja, tytulnaha śviatoha chrama i zastupnika Navahrudka. Letaś na kaścielnym padvorku taksama pastavili 7-mietrovuju kałonu sa skulpturaj śviatoha.
«Naša Niva» — bastyjon biełaruščyny
PADTRYMAĆ
Kamientary
nu i čamu? voś mnie niezrazumieła. dyk čamu? patłumačcie.