Siaredni košt kvadratnaha mietra ahulnaj płoščy žylla ŭ Biełarusi padaražeŭ u I kvartale 2024 hoda na 24,2% u paraŭnańni sa studzieniem — sakavikom 2023 hoda, da 3012,1 rubla, paviedamlaje Biełstat.
Pry hetym na pieršasnym rynku košty vyraśli tolki na 12,9%, tady jak na druhasnym — na 24,8%.
U pryvatnaści, kvadratny mietr u adnapakajovych kvaterach na druhasnym rynku padaražeŭ na 24,2%, u dvuchpakajovych — na 26,9%, u trochpakajovych — na 27,6%, a ŭ kvaterach z čatyrma i bolš pakojami — usiaho na 15,6%.
U toj ža čas u I kvartale 2024 hoda było ŭviedziena ŭ ekspłuatacyju 787,5 tys.kv. m žylla — na 10,2% mienš, čym u I kvartale 2023 hoda. Pry hetym płošča žylla, pabudavanaha dla hramadzian, jakija stajać na ŭliku dla palapšeńnia žyllovych umoŭ, była na 30,4% mienš, čym u studzieni — sakaviku 2023 hoda, a jaho dola ŭ ahulnym abjomie skaraciłasia za hod z 42,6 da 33%. Płošča arendnaha žylla dziaržaŭnaha i pryvatnaha žyllovych fondaŭ, pabudavanaha ŭ I kvartale, vyrasła ŭ 2,7 razu.
Płošča ŭviedzienaha ŭ ekspłuatacyju žylla, pabudavanaha za košt biudžetnych srodkaŭ, vyrasła ŭ studzieni — sakaviku na 95,5% u paraŭnańni z anałahičnym pieryjadam 2023 hoda, tady jak za košt kredytaŭ bankaŭ, naadvarot, skaraciłasia na 38,6%, a za košt ułasnych srodkaŭ nasielnictva — na 7,6%.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary