U Minsku pradajuć elitnuju kvateru ź vidam na płošču Pieramohi. Kolki prosiać?
U stalicy vystaŭlena na prodaž dvuchpakajoŭka ŭ budynku z nadpisam «Podvih naroda».
Ahulnaja płošča kvatery, jakaja pradajecca pa adrasie praśpiekt Niezaležnaści, 37, — 50,7 m². Mieścicca jana na 4-m paviersie 5-paviarchovaha doma 1946 pabudovy. Vyšynia stolaŭ składaje 3 mietry.
Pakolki adna ściana doma paŭkruhłaja, a kvatera vuhłavaja, haścinny pakoj u joj maje niezvyčajnuju formu. Pamiaškańnie prachadnoje, jaho płošča 18,7 m².
Spalny pakoj maje płošču 9,7 m², kuchnia jašče na «kvadrat» mienšaja — 8,7 m². Hetyja pamiaškańni choć i małyja, ale majuć pravilnuju formu.
Čaho nielha skazać pra sanvuzieł i harderobny pakoj.
U kvatery draŭlanaja padłohi i padakońnik. Pradajecca biez mebli i techniki za vyklučeńniem kuchni, jakaja vykanana ŭ kłasičnym styli.
U apisańni paznačana, što pierapłaniroŭka kvatery ŭzakonienaja, a samo pamiaškańnie całkam prydatnaje dla pražyvańnia. Prosiać za kvateru ź vidam płošču Pieramohi 120 400 dalaraŭ. Heta pa $2 375 za kvadrat pry siarednim košcie kvadrata ŭ Minsku $1368.
Stała viadoma, što za damovu ŭčora padpisali Łukašenka z Pucinym27
Stała viadoma, što za damovu ŭčora padpisali Łukašenka z Pucinym
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi2121
Kamientary
faličnym simvałamabieliskam ?