Byłuju deputatku, jakaja sudziłasia ź ES, kab ź jaje źniali sankcyi, pryznačyli ŭ Kanstytucyjny sud
Alaksandr Łukašenka pryznačyŭ byłuju deputatku Pałaty pradstaŭnikoŭ Śviatłanu Lubieckuju sudździoj Kanstytucyjnaha suda Biełarusi.
Lubieckaja naradziłasia ŭ 1971 hodzie va Ukrainie. Skončyła BDU pa śpiecyjalnaści «Ruskaja mova i litaratura», BDU pa śpiecyjalnaści «Pravaznaŭstva»; Akademiju kiravańnia pa śpiecyjalnaści «Dziaržaŭnaje i miascovaje kiravańnie»; aśpiranturu BDU.
Pracavała sudździoj suda Frunzienskaha rajona h. Minska; namieśnikam staršyni suda Partyzanskaha rajona h. Minska; staršynioj suda Maskoŭskaha rajona h. Minska; načalnikam Hałoŭnaha ŭpraŭleńnia arhanizacyjnaha zabieśpiačeńnia sudovaj dziejnaści Viarchoŭnaha Suda Respubliki Biełaruś, sudździoj Viarchoŭnaha Suda Respubliki Biełaruś.
U 2019 hodzie była abrana deputatkaj Pałaty pradstaŭnikoŭ Nacyjanalnaha schodu.
U červieni 2021 hoda na Lubieckuju byli nakładzienyja sankcyi ES za toje, što jana zajmałasia raspracoŭkaj abnoŭlenaha Kodeksa ab administracyjnych pravaparušeńniach, jaki ŭklučyŭ šerah novych artykułaŭ, jakija ŭzmacniajuć adkaznaść u dačynieńni da apanientaŭ režymu Łukašenki.
Jana sprabavała asprečyć sankcyi. Ale ŭ mai 2023 hoda Jeŭrapiejski sud u Luksiemburhu adchiliŭ pazoŭ Lubieckaj i jaje namieśnika ŭ pastajannaj kamisii pa zakanadaŭstvie Alaksandra Amieljaniuka i abaviazaŭ zajaŭnikaŭ apłacić vydatki adkazčyka.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary