Hramadstva1515

KDB zatrymaŭ u Drahičynskim rajonie 12 čałaviek za dapamohu Ukrainie

Zatrymańni adbylisia ŭ studzieni 2024 hoda. Adnamu z mužčyn prastrelili nahu, niekatorych zatrymali siemjami. Voś što viadoma.

Zatrymany Dźmitryj Kapuza z Drahičynskaha rajona. Skryn videa ANT

Pra zatrymańni raskazali ŭ siužecie ANT. Śćviardžajuć, što žychary Drahičynskaha rajona dapamahali Słužbie biaśpieki Ukrainy — zabirali vybuchoŭku i rabili tajniki na terytoryi Biełarusi.

U efiry pakazali nie ŭsich zatrymanych (usiaho ich 12). Padkreślivajecca, što zatrymlivali brutalna. Mužčyn raniej sudzili — to za kantrabandu, to za niezakonnuju vyrubku lesu, to za parušeńnie pamiežnaha režymu. Niekatoryja aficyjna nidzie nie pracavali.

Adzin z zatrymanych — 35-hadovy Dźmitryj Kapuza ź vioski Svaryń Drahičynskaha rajona. Śćviardžajecca, što ź im źviazvaŭsia praz vatsap ukrainski laśnik, jaki pracuje niedaloka ad miažy z boku Ukrainy. Adnojčy jon paprasiŭ Kapuzu pieraciahnuć tavar. Toj uziaŭ na spravu ziemlaka-adnafamilca Uładzimira Kapuzu (1985 h.n.).

@nashanivanews 12 biełarusaŭ aryštavali za dapamohu Ukrainie #biełaruś #vojnavukrainie #Drohičin #briest #briestskajaobłasť #rasśledovanije #pomoŝ #mova #biełaruskajamova ♬ Sudno - slowed & fixed - LLXVD

Laśnik pieradaŭ im niekalki ciažkich miaškoŭ. Ich spłaŭlali pa vadzie. Kapuzu za hrošy treba było zabrać pasyłku ź miažy, a dalej zrabić tajniki. 

Na ANT kažuć, što jon padklučyŭ žonku Volhu — prasiŭ, kab jana fatahrafavała tajniki i z hieałakacyjaj adpraŭlała va Ukrainu. U tych tajnikach była vybuchoŭka.

Žonka Kapuzy taksama zatrymanaja. Skryn videa ANT

Dźmitryju pry zatrymańni prastrelili ściahno. U siužecie jon abapirajecca na kijok.

U Dźmitryja Kapuzu stralali pry zatrymańni. Skryn videa ANT

Paśla jon trapiŭ u reanimacyju. Pra heta pisała «Viasna», kali paviedamlali pra brutalnyja zatrymańni ŭ Drahičynie (ale imiony tady nie nazyvalisia). 

Zatrymali taksama brata Kapuzy Alaksandra (1987 h.n). Toj dapamahaŭ Dźmitryju padklučać simku dla suviazi z ukraincami.

Vybuchoŭku ź niekatorych tajnikoŭ paśpieŭ zabrać były naftanaviec z Navapołacka Siarhiej Jeramiejeŭ (heta jaho vinavacili ŭ padryvie dvuch ciahnikoŭ na BAMie ŭ Buracii). U siužecie pakazvajuć, jak jaho na łancuhu pryviali na miesca, dzie byli tajniki.

Siarhiej Jeramiejeŭ. Skryn videa ANT

Śćviardžajecca, što 12 vybuchovych pryład z tych tajnikoŭ jon pryvioz da siabie ŭ haraž u Navapołack i atrymaŭ instrukcyju, jak pravieryć i jak ustaloŭvać. Za heta jamu nibyta dali 7 tysiač dalaraŭ.

Zatrymali taksama Jaŭhiena Hruka (1991 h.n). Jon pieradavaŭ ukraincam infarmacyju pra abstanoŭku. Paśla atrymaŭ ad ich śpis zadańniaŭ — jaho paprasili pajechać u Rasiju, pasačyć za technikaj i vajskoŭcami. A paśla — zabrać pakiet u adnym z tajnikoŭ. Dajechać Hruku dapamoh znajomy Viktar Jaskič (1989 h.n.) z Małaryckaha rajona. Žonku Jaŭhiena Lidziju taksama zatrymali. Śćviardžajecca, što Hruku zapłacili 1500 rubloŭ za ŭsio, 200 ź jakich jon daŭ Jaskiču.

Jaŭhien i Lidzija Hruk. Skryn videa ANT

Na zatrymanych zaviali spravu pa artykule 289 častcy 3 — akt teraryzmu ŭ składzie hrupy. Dla mužčyn pa hetym artykule maksimalnaja miera — śmiarotnaje pakarańnie.

Kamientary15

  • Nie lubić hierojaŭ maja Biełaruś
    01.04.2024
    U Volnaj Biełarusi buduć hierojami! Hałoŭnaje, kab dačakalisia!
  • Oleh. MINSK.
    01.04.2024
    A smohut li eti riažannyje iz khb protivostojať ili zadieržať, jeśli dieło dojdiot do zadieržanija chorošo vooružionnych bojevikov iz IHIŁ? Nie dumaju. Raźbiehutsia v rassypnuju kak tarakany. So słabymi i biezzaŝitnymi eti buhainy tolko i mohut vojevať. Scy...ny.
  • Pytańnie
    01.04.2024
    A čamu tvary bandytaŭ na fota zamazanyja?

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Usie naviny →
Usie naviny

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom5

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

Ziamla ŭvajšła ŭ mieteorny patok Piersieidaŭ. Dzie i kali pabačyć hetu nieziamnuju pryhažość?

Pres-sakratar polskaha MZS pra adnosiny ź Biełaruśsiu: Čakajem pieršaha realnaha kroku ź biełaruskaha boku8

bolš čytanych navin
bolš łajkanych navin

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Hałoŭnaje
Usie naviny →