Abaviazkovaha raźmierkavańnia dla studentaŭ-płatnikaŭ pakul uvodzić nie buduć
Patrabavańni da raźmierkavańnia vypusknikoŭ-płatnikaŭ zastanucca raniejšymi. Pra heta žurnalistam paviedamiŭ ministr adukacyi Andrej Ivaniec, piša BiełTA.
«Usie papraŭki, jakija datyčacca ŭ cełym sistemy adukacyi, pavinny prajści šyrokaje abmierkavańnie. Nijakich źmienaŭ biez papiaredniaha abmierkavańnia ź piedahahičnaj hramadskaściu, zakonnymi pradstaŭnikami i navučencami ŭnosicca nie buduć. Tamu ŭsie patrabavańni, jakija pradjaŭlalisia da davańnia pieršaha pracoŭnaha miesca i statusu maładoha śpiecyjalista, jakija dziejničali ŭ minułym hodzie, zachoŭvajucca ŭ hetym hodzie», — raspavioŭ Andrej Ivaniec.
Ministr dadaŭ, što letaś u Ministerstva adukacyi pastupiła šmat zvarotaŭ ad vypusknikoŭ VNU, jakija navučalisia na płatnaj formie, pa dapamohu z pošukam pieršaha pracoŭnaha miesca.
«Vypuskniki-płatniki majuć prava atrymać harantavanaje pieršaje pracoŭnaje miesca, taksama status maładoha śpiecyjalista i ŭsie prefierencyi i lhoty, praduhledžanyja dla maładych śpiecyjalistaŭ u našaj krainie. Užo siońnia takija achvotnyja pavinny źviarnucca ŭ svoj dekanat, kab ich uklučyli ŭ śpis pretendentaŭ na pieršaje miesca pracy.
Hetaja miera zdolnaja abaranić ad stresavych situacyj, jakija mohuć paŭstać pry niaŭdałym pošuku i pracaŭładkavańni. Viadoma, my akazali sadziejničańnie ŭ pracaŭładkavańni kožnamu takomu vypuskniku, ale status maładoha śpiecyjalista jany ŭžo nie atrymali, što vielmi škada, bo heta ŭpuščanyja mahčymaści», — dadaŭ kiraŭnik Minadukacyi.
Kamientary