Žychar Stolina zabiŭ žonku i pasprabavaŭ skončyć žyćcio samahubstvam. Heta jon urezaŭsia ŭ stełu z nazvaj horada
Unačy 15 sakavika Volkswagen urezaŭsia ŭ cahlanuju stełu z nazvaj horada na vulicy Pinskaj. Steła była amal całkam razburana. Ciapier SK paviedamiŭ, što papiaredničała hetamu.
15 sakavika ŭ pravaachoŭnyja orhany pastupiła paviedamleńnie ab darožna-transpartnym zdareńni, u vyniku jakoha paciarpieŭ 38-hadovy kiroŭca. Było ŭstanoŭlena, što mužčyna na vialikaj chutkaści sutyknuŭsia sa stełaj na ŭjeździe ŭ Stolin. Vadziciel atrymaŭ šmatlikija traŭmy. Ciapier jon znachodzicca ŭ balnicy, jaho žyćciu ničoha nie pahražaje. Padčas ahladu aŭtamabila ŭstanoŭlena, što strełka śpidomietra znachodziłasia na adznacy zvyš 180 km/h.
Padziei atrymali niečakany praciah, kali ranicaj syn paciarpiełaha ŭ DTZ mužčyny pryjšoŭ da babuli ź dziadulem i paviedamiŭ, što «doma adbyłosia niešta strašnaje». Tam piensijaniery vyjavili žudasnuju karcinu: na padłozie ŭ vannym pakoi lažała cieła niaviestki.
Na ciele zahinułaj śledčymi vyjaŭlenyja traŭmy hałavy. Taksama na kuchni byli zamytyja ślady kryvi i mierkavanaja pryłada złačynstva — siakiera.
Pa adnoj ź viersij śledstva, muž zabiŭ svaju žonku i ŭ dalejšym pasprabavaŭ na svaim aŭtamabili skončyć žyćcio samahubstvam.
«Ludzi, ja viarnułasia ŭ SSSR. Jašče i 170 rubloŭ za hety kašmar!» Błohierka aburyłasia načnoj čarhoj u padatkovuju7
Kamientary