«Dziakuj za tyja «BiełAZy». U Kryvym Rohu raskazali, jak BiełAZy dapamahli adbić rasijski nastup
Kiraŭnik Kryvarožskaj vajennaj administracyi Alaksandr Viłkuł u telehram-kanale raskazaŭ, jak dva hady tamu, u pačatku rasijskaha ŭvarvańnia stvaryli barykadu ź BiełAZaŭ, kab spynić rasijskuju vajskovuju techniku.
«Mienavita ŭ hety dzień dva hady tamu kałona z 300 adzinak varožaj techniki pačała ruch u bok Kryvoha Roha. 150 byli adrezany našymi viertalotami la Baštanki, 150 dajšli da Novaha Buha. A na Mikałajeŭskim kirunku dva BTRy varožaj vyviedki sutyknulisia z zaminiravanymi BiełAZami», — napisaŭ jon.
Jon asobna padziakavaŭ Nova-Kryvarožskamu horna-abahačalnamu kambinatu za tyja BiełAZy.
Za dva hady da pačatku poŭnamaštabnaj vajny Rasii suprać Ukrainy kampanija «ArsiełorMitał Kryvy Roh», jakoj naležyć Nova-Kryvarožski horna-abahačalny kambinat, nabyła piać 136-tonnych samazvałaŭ BiełAZ, piša EX-PRESS.BY.
Vydańnie nahadvaje, što ŭkrainski Kryvy Roh staŭ horadam-pabracimam Žodzina ŭ 2018 hodzie. U žniŭni 2020-ha jaho deputaty zaklikali harsaviet aficyjna źviarnucca da kiraŭnictva Žodzina i administracyi hałoŭnaha pradpryjemstva z prośbaj vykanać umovy mirnych pratestoŭcaŭ.
5 sakavika 2022 hoda na pazačarhovaj siesii Kryvarožskaha haradskoha savieta deputaty prahałasavali za toje, kab razarvać jakija-niebudź adnosiny z Žodzinam.
Paśla ŭčorašniaj publikacyi «NN» z «Siarhiejem» i «Aleksam» adbylisia mietamarfozy6
Paśla ŭčorašniaj publikacyi «NN» z «Siarhiejem» i «Aleksam» adbylisia mietamarfozy
«Toje, što chtości «siadzić za palityku», źjaŭlajecca «častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami55
Kamientary
o. ,,naši,, zarabotali siebie na kottiedžik...