Jak idzie rekanstrukcyja stadyjona «Traktar». Voś što tam ciapier
Da rekanstrukcyi stadyjona «Traktar» prystupili ŭ vieraśni minułaha hoda. Što ŭžo zroblena na abjekcie, pišuć «Minsk-Naviny».
— Pa prajekcie na terytoryi stadyjona zjaviacca dva novyja trenirovačnyja pali, asnoŭnaje budzie zachavanaje, u tym liku jaho naturalny hazon. Praduhledžanyja pierapłaniroŭka pamiaškańniaŭ padtrybunnaj prastory, uzmacnieńnie kanstrukcyj, poŭnaja zamiena kamunikacyj, — raspaviadaje prarab BU-199 Budtresta № 35 Kirył Žałudkovič.
Chutka budaŭniki pačnuć ramont padmurku zachodniaj trybuny. Staryja płastykavyja kresły ŭžo prybrali. Kali rekanstrukcyja abjekta zavieršycca, na hetaj placoŭcy zmohuć raźmiaścicca 4,5 tysiačy balelščykaŭ.
Na budoŭli dapamahajuć studatradaŭcy.
— U listapadzie i śniežni tut pracavali maładyja ludzi z BNTU, BDUIR, BDTU, BDEU, BDU. U ciapierašni momant farmujem jašče čatyry atrady ahulnaj kolkaściu 40 čałaviek. Udzielničać u rekanstrukcyi znakavaha dla stalicy abjekta studenty buduć až da zdačy jaho ŭ ekspłuatacyju, — raskazaŭ pieršy sakratar Minskaha harkama BRSM Raman Bandaruk.
«Ludzi, ja viarnułasia ŭ SSSR. Jašče i 170 rubloŭ za hety kašmar!» Błohierka aburyłasia načnoj čarhoj u padatkovuju7
Kamientary