Zahinuły rasijski sałdat za niekalki kiłamietraŭ ad Andrejeŭki Danieckaj vobłaści Ukrainy, vierasień 2023 hoda. Fota: Alex Babenko / AP Photo

Zahinuły rasijski sałdat za niekalki kiłamietraŭ ad Andrejeŭki Danieckaj vobłaści Ukrainy, vierasień 2023 hoda. Fota: Alex Babenko / AP Photo

Straty rasijskaj armii pa adkrytych krynicach adsočvajuć vałanciory sumiesna z «Miedyjazonaj» i «Bi-bi-si». Zrazumieła, što atrymanyja takim čynam danyja nie adlustroŭvajuć realny ŭzrovień strataŭ. U hihanckaj Rasii ciažka sabrać źviestki pra ŭsich zabitych na vajnie. U toj ža čas najaŭnyja źviestki dazvalajuć zaŭvažyć niekatoryja tendencyi.

Adna ź ich — druhi hod vajny byŭ bolš krovapralitnym za pieršy. Tolki za apošnija dva tydni śpis zabitych papoŭnili imiony 1175 vajskoŭcaŭ. Siarod ich — piać aficeraŭ u zvańni ad padpałkoŭnika. Usiaho na 15 śniežnia 2023 hoda paćvierdžana hibiel amal 3 tysiač aficeraŭ, ź ich 341 — u zvańni ad padpałkoŭnika i vyšejšych. Taksama aficyjna paćvierdžanaja śmierć dvuch namieśnikaŭ kamandujučych armijami.

Straty Rasii ŭ vajnie z Ukrainaj Russia's losses in the war with Ukraine Potieri Rośsii v vojnie s Ukrainoj

Danyja taksama dazvalajuć vyznačyć rehijony, uradžencaŭ jakich najbolš zahinuła na vajnie. Heta Śviardłoŭskaja i Čelabinskaja vobłaści, Baškiryja i Buracija. Praŭda, zusim nie źbirajucca źviestki pra zabitych z akupavanych Danieckaj i Łuhanskaj abłaściej Ukrainy. A ŭ rasijskich krynicach była infarmacyja, što mienavita mabilizavanyja ŭ «DNR» i «ŁNR» nieśli samyja strašnyja straty ŭ pieršyja paŭhoda vajny. Pra heta pisaŭ, u pryvatnaści, Ihar Strałkoŭ (Hirkin), jaki ciapier źniavoleny za krytyku pravałaŭ rasijskaj armii.

Žurnalisty rasijskaj «Miedyjazony» źviartajuć uvahu, što zhodna ź ich bazami, ź leta da siaredziny vosieni 2022 hoda asnoŭny ciažar strat nieśli dobraachvotniki. I heta mocna adroźnivajecca ad pieršych miesiacaŭ vajny, kali najbolšy hinuła desantnikaŭ (zima i pačatak viasny) i motastrałkoŭ. A voś da kanca 2022 hoda zaŭvažna vyrasła kolkaść strataŭ siarod źniavolenych, jakija byli mabilizavanyja ŭ «PVK Vahniera». A ŭ sakaviku 2023 hoda jany stali samaj vialikaj katehoryjaj strataŭ na vajnie.

Danyja taksama dazvalajuć prasačyć uzrost zabitych. Pieršyja paŭhoda vajny, kali va ŭvarvańni ŭdzielničała rehularnaja armija biez dobraachvotnikaŭ, mabilizavanych i źniavolenych, bolš za ŭsio śmierciaŭ było ŭ hrupie 21-23 hady. Ale pa statystycy za ŭvieś pieryjad vajny najbolš zahinuła ŭ hrupie 33—35-hadovych.

Straty Rasii ŭ vajnie z Ukrainaj Russia's losses in the war with Ukraine Potieri Rośsii v vojnie s Ukrainoj

Žurnalisty adznačajuć, što atrymanyja danyja niapoŭnyja i na praciahu niekalkich miesiacaŭ jany vyrastuć jak minimum na treć.

Brytanskaja raźviedka 30 śniežnia 2023 hoda apublikavała spravazdaču, u jakoj adznačana, što ŭ 2023 hodzie Rasija stračvała zabitymi ci paranienymi ŭ siarednim 300 bajcoŭ u dzień. Suadnosiny zabitych ci paranienych na sučasnaj vajnie składajuć 1 da 3 ci 1 da 4 u zaležnaści ad jakaści miedyčnaj słužby.

Jak napisaŭ u svaim akaŭncie ŭ tvitary ministr abarony Vialikabrytanii Hrant Šaps (Grant Schapps), kali tak budzie praciahvacca i ŭ 2024 hodzie, to za try hady vajny (da 2025 hoda) Rasija budzie mieć bolš za paŭmiljona zabitych i paranienych. Strašennaja ličba dla luboj krainy, navat dla Rasii.

Jak havorycca ŭ spravazdačy raźviedki ZŠA, jakaja była rassakrečanaja ŭ siaredzinie śniežnia 2023 hoda, Rasija pa stanie na kaniec taho hoda straciła na Ukrainie 315 tysiač čałaviek zabitymi i paranienymi.

Jak bačym, ličby hihanckija. Rasijskaje kamandavańnie pastajanna zajaŭlaje, što zachodnija acenki kolkaści rasijskich zahinułych u vajnie značna pierabolšanyja. Ale svaich źviestak nie pryvodziać. U lubym vypadku sapraŭdny stan rečaŭ bačać prostyja ludzi na miescach. Jak doŭha jašče rasijskaje hramadstva budzie ciarpieć — nieviadoma. Kreml tracić dziasiatki miljardaŭ dalaraŭ na prapahandu i manipulacyju śviadomaściu. Ale, mahčyma, nijakaja sacyjalnaja inžynieryja niazdolnyja viečna chavać ad hramadstva, jakija žachi vyklikała pačataja Uładzimiram Pucinym i Alaksandram Łukašenkam vajna. Vybuch moža adbycca ŭ luby momant, kali hramadstva ŭśviadomić maštab strat.

Čytajcie jašče:

Raźviedka ZŠA ličyć, što Rasija na vajnie va Ukrainie straciła 315 tysiač čałaviek

Šajhu nazvaŭ ličby strat ukraincaŭ padčas kontrnastupu

Клас
72
Панылы сорам
1
Ха-ха
4
Ого
3
Сумна
3
Абуральна
7

Chočaš padzialicca važnaj infarmacyjaj ananimna i kanfidencyjna?