Hramadstva2525

Chto ŭ biełaruskim jutubie robić krutyja videahutarki? Šeść rekamiendacyj dla prahladu na doŭhija zimovyja viečary

Za apošnija hady ŭ jutubie źjaviłasia šmat biełaruskich prajektaŭ, jakija ŭvodziać hledačoŭ z rasijskaj infarmacyjnaj prastory i sprabujuć zacikavić biełaruskim paradkam dnia. Svaje tok-šou, svaje kulinarnyja batły, svaje viečarovyja pieradačy. «Naša Niva» raskazvaje pra toje cikavaje, što možna pahladzieć. U hetaj častcy — kanały ź intervju.

TOK | TALK

Kožnyja dva tydni Nasta Roŭda z kamandaj prezientuje videahutarki ź viadomymi biełarusami. Siarod niadaŭnich rolikaŭ — kranalnaje intervju z eks-palitźniavolenaj Volhaj Harbunovaj, fiłasofskaja razmova z dyzajnieram Uładzimiram Ceśleram, pazityŭnaja i niazłomnaja BČB-niaviesta i były dypłamat Pavieł Śluńkin ź cikavymi insajdami, nazapašanymi ŭ kułuarach biełaruskaj palityki. I kaniečnie, lidarka demakratyčnych sił Śviatłana Cichanoŭskaja.

Žyćcio-malina

Kali ŭ vas jość internet, vy amal dakładna viedajecie Mikitu Miełkaziorava i jaho prajekt ź vialikimi i niaredka rezanansnymi intervju. Mikita ciapier, badaj, samy viadomy biełaruski intervjujer. Na jaho kanale ŭžo amal paŭtary sotni videahutarak, ale Miełkazioraŭ nie zbaŭlaje abaroty: za apošnija miesiacy jon pahutaryŭ, naprykład, z eks-kupałaŭcam Michasiom Zujem, znakamitym biełaruskim komikam Jaŭhienam Smaryhinym i šturmavikom Pałka Kalinoŭskaha.

Pierietriem s Chalezinym

Režysior Mikałaj Chalezin taksama vyrašyŭ sustrakacca ź viadomymi biełarusami, ale miesca vybraŭ niestandartnaje. Razam z haściami Chalezin hatuje na kuchni roznyja stravy i adnačasova hutaryć ź imi pra žyćcio. Na kuchni ŭ Mikałaja užo byli, siarod inšych, džaźmien Kanstancin Haračy z žonkaj, baskietbalistka Kaciaryna Snycina i pratestancki pastar Źmicier Chviedaruk.

ČiestnOK

Prajekt spartovych žurnalistaŭ Sašy Ivulina i Jarasłava Pisarenki. Ad pieršaha — hutarki ź biełarusami, jakimi varta hanarycca: naprykład, tut jość futbolnaja lehienda Alaksandr Chackievič i piśmieńnik Saša Filipienka. Što da Pisarenki, jon chutka i prosta raskryvaje infanahody biełaruskaha sportu. Źviarnicie ŭvahu na archiŭ kanała: tam, naprykład, futbolnaje realici «A Saša vyjdzie?».

Maksimalno

Prajekt dla tych, kamu ŭ hetym śviecie nie chapaje hiendarnaj raznastajnaści, dy i pluralizmu mierkavańniaŭ. Błohier Maksim Paršuta znachodzić cikavych biełarusak z roznych śfieraŭ (ad kino da advakatury i praŭładnych kabinietaŭ) i hutaryć ź imi — adkryjecie dla siabie šmat niečakana cikavych surazmoŭcaŭ.

Biełaruskaja miečta

«Marym, jak źmienicca Biełaruś», — anansujecca ŭ apisańni na kanale. Pra heta viadučaja Kacia Rajeckaja i razmaŭlaje z haściami. Tak, z vykładčykam Siarhiejem Alšeŭskim abmiarkoŭvaje adukacyju, z analitykam Paŭłam Danejkam — ekanomiku, z režysioram Mikałajem Chalezinym — teatr.

Kamientary25

  • dy vy ździekujeciesia?
    05.01.2024
    [Red. vydalena]
  • Davaj svajo!
    05.01.2024
    Čamu vy nam padsoŭvajecie kožny raz hetuju hrantaŭščynu? Niaŭžo niama ŭ nas narmalnych niezaležnych biełaruskich praektaŭ?
  • Z hetymi paniatna
    05.01.2024
    A ci jość niezaležnyja prajekty?

Nazirajecca maštabny zboj elektroniki pa ŭsim śviecie. Aeraporty admianiajuć paloty6

Nazirajecca maštabny zboj elektroniki pa ŭsim śviecie. Aeraporty admianiajuć paloty

Usie naviny →
Usie naviny

«Taki dyjahnaz va ŭmovach Paliny — jak śmiarotny prysud». Svajaki palitźniavolenaj Šarendy-Panasiuk daviedalisia pra jaje chvarobu8

Sinoptyki sprahnazavali, čaho ad nadvorja čakać zaŭtra

«Mianie kupili za $680». Biełarusy raskazali, jak trapili ŭ rabstva ŭ Rasii5

U BDU nazvali śpiecyjalnaści z samym vialikim konkursam — 19 čałaviek na miesca2

Pieciarburhski muziej abvinavacili ŭ prapahandzie nacyzmu za łozunh «Žyvie Biełaruś» na karcinie11

Na Śvisłačy ŭ parku Horkaha repiecirujuć vodnuju fiejeryju — VIDEA dnia3

Sinoptyki prahnazujuć, što navalnicy buduć u Minsku da kanca dnia2

Biełaruskaja prapahanda stvaryła tabłoid «Piatnica». Jaki vychodzić u sieradu9

U Minsku zatapiła i stancyju mietro «Uschod». Adnak zakryvać jaje nie stali VIDEA1

bolš čytanych navin
bolš łajkanych navin

Nazirajecca maštabny zboj elektroniki pa ŭsim śviecie. Aeraporty admianiajuć paloty6

Nazirajecca maštabny zboj elektroniki pa ŭsim śviecie. Aeraporty admianiajuć paloty

Hałoŭnaje
Usie naviny →