Videa z homielskaha aeraporta apublikavała Anhielina Bielskaja. Jana nazvała stan aeraporta «zajmalnym retra».
Nienadziejnyja dźviery ŭ žanočym tualecie, pustata i savieckaja dyvanovaja darožka da mietałašukalnika vyklikali źbiantežanaść u karystalnikaŭ tyktoka. Rolik sabraŭ bolš za 200 tysiač prahladaŭ i amal 400 kamientaroŭ.
Bolšaść čytačoŭ prosta ździŭlałasia, što ŭ Homieli naohuł jość aeraport i ź jaho možna niekudy palacieć.
«A šali bačyli dla bahažu? Heta naohuł top».
«Tam jašče stoł vydačy bahažu retra».
«U Hrodnie taki ž aeraport. Zamiest bufieta žančyna pryjechała i piražki ź bielašami pradavała», — dzielacca ŭražańniami čytačy.
«Heta vy jašče ŭ Breście nie byli, u nas takoje retra, što filmy 70-ch hadoŭ da nas zdymać pryjazdžajuć».
«Vy jašče mahiloŭski nie bačyli».
«Usio jak 40 hadoŭ tamu».
«U Biełarusi ŭsio retra», — pišuć karystalniki.
Aŭtarka ž videa dadała, što treba skazać dziakuj, što zaraz prosta jość takaja mahčymaść — palacieć z Homiela.
Doŭhi čas aeraport u Homieli stajaŭ biez spravy, abmiažoŭvajučysia nierehularnymi čartarami. U kastryčniku 2023 hoda ŭ aeraport viarnuŭsia rejs na Maskvu.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary