Novasibirski zavod bytavoj chimii budzie skardzicca na dystrybjutara ź Biełarusi
Biełaruskaje pradpryjemstva zarehistravała na siabie ŭ našaj krainie pravy na brendy pralnych paraškoŭ TeoN i Stiray, jakija vypuskajucca novasibirskim zavodam.
Novasibirski zavod bytavoj chimii (NZBCH) maje namier źviarnucca ŭ Ministerstva antymanapolnaha rehulavańnia i handlu Biełarusi sa skarhaj na niesumlennuju kankurencyju z boku miascovych dystrybjutaraŭ, paviedamlaje «Kommiersant'». Pavodle źviestak pradpryjemstva, biełaruskaje TAA «Aptrytejł» zarehistravała na siabie ŭ našaj krainie pravy na brendy pralnych paraškoŭ TeoN i Stiray, jakija vypuskajucca novasibirskim zavodam, piša Kommersant.
Na dumku novasibirskaha vytvorcy, hetyja dziejańni biełaruskaj kampanii «błakujuć pastaŭki pradukcyi NZBCH» u Biełaruś, straty zavod aceńvaje ŭ 70 miljonaŭ rasijskich rubloŭ u hod (775 tysiač dalaraŭ).
Kampanija taksama maje namier damahčysia pryznańnia niesapraŭdnym rašeńnia ab rehistracyi ŭ Biełarusi hetych znakaŭ. U toj ža čas, pavodle acenak ekśpiertaŭ, rehistracyja tavarnych znakaŭ u RF pa nacyjanalnaj sistemie nie daje im pravavuju achovu ŭ Biełarusi.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary