Hałoŭnaje — kab u filma byŭ chepi-end. BRSM zvadziŭ «Mis Biełaruś» na premjeru prapahandysckaj karciny
Eleanora Kačałoŭskaja, jakaja dniami pieramahła ŭ konkursie «Mis Biełaruś — 2023», naviedała premjeru filma «Na inšym bierazie». Prytym zrabiła heta arhanizavana, jak paviedamlaje BiełTA, «u kampanii inšych mis i pradstaŭnikoŭ BRSM».
Eleanora Kačałoŭskaja, dajučy kamientar prapahandystam, skazała, što da premjery vyvučała filmahrafiju režysiora filma Andreja Chrulova i pryjšła da vysnovy, što «vidać, što jamu padabajecca havaryć pra historyju i dramu».
Ad filma jana čakała, što «hledača buduć vyvodzić na sapraŭdnyja emocyi: ślozy, honar, sum, pieražyvańni», ale hałoŭnaje, čaho chacieła — kab u filma byŭ chepi-end.
«U kožnym razie my prychodzim da miru. I adzinaje, čaho ciapier možna žadać, — heta mir na ŭsioj płaniecie. Film u mianie asacyjujecca mienavita ź miram», — zajaviła jana.
Što tyčycca samoj tematyki filma, to, maŭlaŭ:
«Historyja — heta toje, na čym hruntujecca naš čas. 17 vieraśnia, jakoje my adznačajem, nie prosta cikava… Heta byli cikavyja padziei, jakija nas šmat čamu navučyli i mnohaje pakazali».
Film «Na inšym bierazie» źniaty pavodle scenara Ivana Kryvaručki, a režysioram-pastanoŭščykam karciny vystupiŭ Andrej Chruloŭ.
U asnovie siužeta filma — padziei 1925 hoda, kali paśla padpisańnia mirnaj Ryžskaj damovy zachodniaja častka Biełarusi trapiła pad uładu Polščy.
Jaho hałoŭnyja hieroi — rodnyja braty, jakija rodam z-pad Stoŭbcaŭ. Pavieł Smolič žyvie sa svajoj maci ŭ Zachodniaj Biełarusi niedaloka ad miažy z BSSR, a jahony starejšy brat Anton dziejničaje ŭ antypolskaj savieckaj partyzancy.
Viadoma, što na hetaje kino patracili amal 4 młn rubloŭ, na kinastudyi jaho nazyvajuć nacyjanalnym prajektam hoda.
Praz heta ŭłady nie mohuć dapuścić, kab takaja karcina jaŭna pravaliłasia ŭ prakacie i heta było bačna prostym vokam. Dziela taho, pavodle śviedčańnia krynic, praŭładnyja arhanizacyi i kiraŭnictva navučalnych ustanoŭ arhanizujuć šyrokuju kampaniju pa «dobraachvotna-prymusovym» naviedvańni pakazaŭ vučniami i studentami.
Niekatoryja inšyja prapahandysckija kinafilmy, u tym liku rasijskaj vytvorčaści, da arhanizacyi masavaha naviedvańnia jakich nie prykładalisia admysłovyja namahańni, u prakacie całkam pravalilisia.
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha7
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary
a da vas heta tolki zaraz dajšło? Karł)