Byłoha palitviaźnia Alaksieja Siańkova, jaki vyjšaŭ u krasaviku na volu, zatrymali i znoŭ buduć sudzić
Alaksiej — padpałkoŭnik justycyi ŭ adstaŭcy, z 2012 hoda da 2021 hoda jon pracavaŭ na roznych pasadach u Śledčym kamitecie.
5 lipienia 2021 hoda jaho zatrymali na pracoŭnym miescy i zvolnili pa zhodzie bakoŭ. Paźniej jaho asudzili da 2 hadoŭ kałonii za niadzielnyja Maršy 16 i 23 žniŭnia 2020 hoda.
Jahony małodšy brat — palitźniavoleny były načalnik finansavaha adździeła administracyi Leninskaha rajona Minska Juryj Siańkoŭ.
U krasaviku Alaksiej całkam adbyŭ termin i vyjšaŭ na volu.
Mužčynu zatrymali ŭ kancy lipienia — prapahandysty śćviardžajuć, što Alaksiej nibyta «pasprabavaŭ uciahnuć u vyrašeńnie pytańnia za chabar svaich byłych kaleh. Pry hetym zaviedama supraćpraŭnyja dziejańni jon ździajśniaŭ u intaresach hramadzianina Ukrainy, jaki adbyvaje pakarańnie», piša «Viasna».
Što za čamadan nosić kala Łukašenki jahony achoŭnik? Nie, tam nie jadziernaja knopka20
Kamientary