U Rasii raspracavali žartaŭlivuju prahramu «Danos» i stali atrymlivać danosy sapraŭdnyja

Kali ŭbić u Google play zapyt «danos», tam budzie spampavać prahramu ź vielmi padobnym da Dziaržpasłuh RF łahatypam «Moj danos». Niahledziačy na ​​toje, što ŭ apisańni samoj prahramy havorycca, što jana nie maje dačynieńnia da dziaržpasłuh i orhanaŭ ułady i pryznačana dla zabavy, mnohija ludzi ŭsprymajuć jaje jak surjoznuju i pačynajuć joj karystacca, kab adpomścić znajomym, raspavioŭ karespandentu «MO» jaje raspracoŭščyk.

Prahramist Uładzimir (imia źmieniena ź mierkavańniaŭ biaśpieki) pierajechaŭ paśla pačatku vajny ŭ adnu ź jeŭrapiejskich krain.

Upieršyniu prahramu z toj ža nazvaj (pa anałohii z sajtam «Rasdanos») Uładzimir stvaryŭ jašče ŭ 2018 hodzie, a praź niekalki miesiacaŭ vydaliŭ — papularnaściu jana tady nie karystałasia. U 2019 hodzie žartoŭnaje vydańnie IA «Panarama» vypuściła navinu pra prahramu «Moj danos». «Pieryjadyčna hetaja navina milhała ŭ ŚMI, i ja vyrašyŭ znoŭ zrabić prahramu, užo pavodle apisańnia ŭ navinie. Łahatyp hienieryła niejrasietka», — kaža Uładzimir.

Prahrama paŭtorna była raźmieščana 15 studzienia 2023 hoda ŭ Google play. Tady karespandent «MO» pacikaviŭsia ŭ raspracoŭščyka, jakaja jaho meta i što jon budzie rabić, kali danosy buduć realnymi. 

Uładzimir adkazaŭ: «Jany nikudy nie pojduć, niachaj pišuć siudy, tut usio i zastaniecca. Ja čytaju, ździŭlajusia, časam radujusia, kali pišuć niehatyŭnaje mierkavańnie pra samu prahramu abo krytyku ŭładaŭ». 

Pieršapačatkova metaj stvareńnia prahramy byŭ žart, ale jak tolki pasypalisia pieršyja paviedamleńni, Uładzimir zrazumieŭ, što danosy prychodziać nie tolki žartoŭnyja, ale i absalutna realnyja. 

Jon adznačaje, što kolkaść realnych danosaŭ zaŭsiody pavialičvajecca, kali źjaŭlajecca infanahoda ŭ ŚMI — zamach, ataka bieśpiłotnikaŭ abo miaciež. «Ludzi huhlać, dzie možna paskardzicca, praz klučavyja słovy bačać maju prahramu i, nie raźbirajučysia, pišuć tudy».

Raspracoŭščyk spadziajecca, što svajoj prahramaj dapamoža ludziam, na jakich pišuć danos — mahčyma, jon nie pieratvorycca ŭ realny. 

Danosčyk užo vypluchnuŭ niehatyŭ, nie razabraŭsia, što raźmiaściŭ danos u žartoŭnaj prahramie i na hetym moh supakoicca. «Spadziajusia, što advioŭ niebiaśpieku ad čałavieka», — kaža Uładzimir.

Amal praz paŭhoda paśla zapusku prahramy baza zvarotaŭ stała vialikaj — u traŭni ŭžo bolš za 10 000 čałaviek spampavali prahramu i napisali bolš za 5000 danosaŭ. Tolki z krasavika da červienia raspracoŭščyku pastupiła bolš za 1300 zvarotaŭ. Bolšaść danosaŭ žartoŭnyja abo takija, što asudžajuć stvaralnikaŭ i sam instytut danosaŭ. 

Ale kala 20% danosaŭ byli napisany z padrabiaznym apisańniem pravin «parušalnikaŭ» i ŭtrymlivali asabistyja danyja. Bolšaść ź ich mahli b stać padstavaj dla ŭzbudžeńnia spraŭ pa artykułach ab fejkach i dyskredytacyi vojska. 

• 8
• 0
• 9
• 26
• 1
• 4
• 2
• 0