Rasijski pierakładčyk, piśmieńnik i radyjoviadučy Leanid Vaładarski pamior va ŭzroście 73 hadoŭ, paviedamili rasijskija ŚMI. Jaho nie ŭsie viedali pa imieni, ale bolšaści ludziej na postsavieckaj prastory viadomy jahony śpiecyfičny hołas.
Leanid Vaładarski viadomy hałoŭnym čynam jak pierakładčyk mnohich filmaŭ, jakija źjavilisia na savieckich i rasijskich ekranach u pačatku 1990-ch. Za svojeasablivuju manieru pierakładu i paznavalny hołas jaho nazyvali «huhniavy pierakładčyk» i «pierakładčyk-z-pryščepkaj».
Zajmacca pierakładami kinafilmaŭ vypusknik Maskoŭskaha instytuta zamiežnych moŭ imia Marysa Tareza pačaŭ jašče ŭ 1968 hodzie. Pracavaŭ na kinafiestyvalach, a ŭ kancy 1970-ch (nie paźniej za 1979 hod) z prychodam na rynak VHS-kasiet ź videafilmami da pasłuh Vaładarskaha pačali źviartacca videapiraty.
Śćviardžajecca, što za 30 hadoŭ bieśpierapynnaj praktyki Vaładarskim było nibyta pierakładziena bolš za 5 000 filmaŭ. Pierakładaŭ jon ich, jak sam śćviardžaŭ, sinchronna i ź pieršaha razu.
«My dla ich — miasa». Palitviazień vyjšaŭ ź miełanomaj, jon uskładaje vinu na načalnicu sančaści i prymusovaje haleńnie hałavy4
Kamientary