Sport99

U Biełarusi praviali čempijanat Jeŭropy pa vielmi dziŭnym vidzie sportu

Razmova idzie pra pieršy čempijanat i pieršynstvo Jeŭropy pa kidańni naža — «vidzie sportu», jaki da Mižnarodnaha alimpijskaha kamiteta nijak nie adnosicca. A šyroka kultyvuje hety vid roŭna adna kraina — Rasija.

Stvaralnikam hetaha «vidu sportu» siabie nazyvaje rasijanin Andrej Trochaŭ, jon kazaŭ, što paśla šmatrazovych admoŭ Minsportu RF usio ž taki damohsia ad viedamstva pryznańnia kidańnia naža ŭ 2019-m, paśla čaho jano stała «paŭnavartasnym vidam z prysvajeńniami spartyŭnych razradaŭ», jak piša «Trybuna».

U Biełarusi ž entuzijasty kidańnia naža znajšlisia jakraz u Homieli — i ŭstanavili suviazi z rasijanami. U krasaviku 2023-ha ŭ horad pryjechaŭ Trochaŭ (jak kiraŭnik i rasijskaj, i «mižnarodnaj» fiederacyj) i raskazvaŭ, što choča dapamahčy miascovym «spartsmienam», kab stvaryć kankurencyju pradstaŭnikam Rasii, jakija abviaščalisia «čempijonami śvietu».

U Homiel ža adpravili i «ČIE» — vidać, kab choć niejak nadać «mižnarodnaści». Červieński turnir prachodziŭ u abłasnym centry alimpijskaha reziervu pa lohkaj atletycy, a ŭsie zatraty pa praviadzieńni pryjšłosia ŭziać na siabie Homielskamu tłuščavamu zavodu.

Pa paviedamleńniach dziaržmiedyja, u Homieli sabrałasia kala 70 spartsmienaŭ ad 12 da 72 hadoŭ niby ź piaci krain: Rasii, Biełarusi, Hrecyi, Vienhryi i Sierbii. Adnak poŭnyja pratakoły niedastupnyja, mahčyma, try apošnija krainy byli pradstaŭlenyja adzinkava abo zusim adsutničali na turniry. Absalutna ŭsie miedali zabrali biełaruskija i rasijskija «spartsmieny»: haspadaram dastalisia dźvie załatyja, try siarebranyja i čatyry bronzavyja, a astatnija 45 uznaharod pajechali ŭ susiedniuju krainu.

Pra ŭzrovień «ČIE» ŭsio havoryć kinutaja ŭ intervju fraza rasijanina Uładzimira Turčyna: «Ja zajmaŭsia hetym sportam jak chobi, pakul u 2019 hodzie nie vyjhraŭ čempijanat śvietu».

Biełaruskija «miedalisty», dumajecca, mohuć skazać prykładna toje ž. Tak, bronzavy pryzior u kidańni z 4 mietraŭ Facima Tažybajeva (uradženka ŭźbiekistanskaj Fierhany) pryjšła da pośpiechu ŭ 45 hadoŭ.

A na staroncy Uładzisłava Hračova (treciaje miesca ŭ kidańni z šaści mietraŭ) prosta napisana, što zarablaje jon viasielnaj fotazdymkaj u Homieli.

Hračoŭ — krajni źleva

A ŭ katehoryi 12-13-hadovych ad Biełarusi vystupali vychavancy siłavikoŭ Łukašenki — udzielniki kłuba «Łazuryt» pry homielskaj častcy ŭnutranych vojskaŭ MUS. U kidańni nažoŭ pa svaim uzroście zabrali ŭ rasijan piać z šaści miedaloŭ.

Kamientary9

  • mikola
    01.07.2023
    hvoryja ludzi....
  • Achacha
    01.07.2023
    Po mietaniju hovna pusť jeŝie proviedut))
  • koń
    01.07.2023
    Na čempijanacie Jeŭropy pa kidańni naža čempijonam Biełarusi stała Biełaruś.

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna4

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna

Usie naviny →
Usie naviny

Tramp nazvaŭ svajho kandydata ŭ vice-prezidenty20

Niekatoryja biełarusy sustrakali ŭčarašni ŭrahan, kupajučysia ŭ voziery VIDEA

Źmitra Daškieviča buduć sudzić pa novaj kryminalnaj spravie ŭžo na hetym tydni7

Łatuška: Ja mahu bajacca pić vadu ci kavu ŭ hramadskich miescach13

Kala miažy Polščy ź Biełaruśsiu ahresiŭnaja moładź atakavała polskich vajskoŭcaŭ VIDEA27

18-hadovaha chłopca z Bychava sudziać za «zdradu dziaržavie»9

U Biełarusi nie buduć reahavać na ŭviadzieńnie Łatvijaj zabarony ŭjezdu dla biełaruskich aŭtamabilaŭ4

U Hrodnie źbirajucca pravieści «svojeasablivy vals» BTR-aŭ1

Labiedźka: Biełaruskaja mova pavinna stać adzinaj dziaržaŭnaj. Ale treba zakłaści pierachodny pieryjad20

bolš čytanych navin
bolš łajkanych navin

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna4

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna

Hałoŭnaje
Usie naviny →