Abjadnany pierachodny kabiniet pačaŭ pravierku pa situacyi z «Bajpołam»
Abjadnany pierachodny kabiniet Biełarusi vydaŭ karotki kamientaryj, datyčny kanfliktnaj situacyi ŭ arhanizacyi byłych siłavikoŭ «Bajpoł».
Tak jak «Bajpoł» źviazany z Abjadnanym pierachodnym kabinietam, jon paviedamiŭ, što «pačynaje pravierku z metaj vyvučeńnia abstavin hetaj situacyi, vypracoŭki vysnoŭ i pryniaćcia adpaviednych rašeńniaŭ».
Jak pryjarytet pry vypracoŭcy zachadaŭ pa reahavańni zajaŭlenaje zabieśpiačeńnie biaśpiečnaha zachavańnia ŭsioj infarmacyi, atrymanaj «Bajpołam» u pracesie dziejnaści.
U toj ža čas, uličvajučy śpiecyfiku dziejnaści «Bajpoła», Abjadnany pierachodny kabiniet, jaho kiraŭnica i pradstaŭniki ličać metazhodnym usim bakam ustrymacca ad lubych biahučych kamientaryjaŭ i interpretacyj da taho momantu, pakul nie buduć pryniatyja rašeńni na padstavie maksimalna poŭnaj infarmacyi.
Nahadajem, što siońnia źjaviłasia videa kiraŭnika «Bajpoła» Alaksandra Azarava, u jakim jon zajaviŭ, što arhanizacyja straciła kantrol nad svaim jutub-kanałam i akaŭntami ŭ sacyjalnych sietkach, abvinavaciŭšy ŭ zavałodańni imi supracoŭnika «Bajpoła» Maćvieja Kuprejčyka i «hrupu asob», źviazanych ź im. Nieŭzabavie paśla taho ŭ telehram-kanale arhanizacyi źjaviŭsia post, u jakim asprečvałasia lidarstva ŭ «Bajpole» Azarava i zajaŭlałasia, što jon navat vyklučany ź jaho.
-
Novaja zorka prapahandy kaža, što ŭciok z Polščy praz represii. Ale jon akazaŭsia machlarom z pazykami na $370 tysiač
-
«Zakryvać treba k čortu ŭsie resursy». Redaktarka «Minskaj chvali» vučyła rasijan zmahacca z apazicyjnymi ŚMI
-
Pamiatajecie bandu, jakaja ŭ bałakłavach rabavała na trasach fury? Vynik suda šakuje
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA27
Kamientary