Hramadstva22

«Paŭtara miesiaca niama listoŭ…» Mastak Aleś Puškin znachodzicca na turemnym režymie

Žonka mastaka Alesia Puškina raskazała «Narodnaj Voli» pra toje, što paŭtara miesiaca nie atrymlivaje ad muža viestak. Mastak u sakaviku 2022 hoda byŭ asudžany na 5 hadoŭ kałonii strohaha režymu.

Aleś Puškin

Puškina pryznali vinavatym u «naŭmysnych dziejańniach u reabilitacyi nacyzmu, učynienych hrupaj asob» i ŭ «ździeku ź dziaržaŭnych simvałaŭ».

Mastak znachodzicca za kratami z sakavika 2021 hoda. Padavać apielacyjnuju skarhu jon admoviŭsia.

Spačatku Aleś Puškin znachodziŭsia ŭ papraŭčaj kałonii №22 u Ivacevickim rajonie («Voŭčyja nory»), ale zatym jaho etapavali ŭ hrodzienskuju turmu №1.

Alesia Puškina ŭklučyli ŭ śpis asobaŭ, jakija majuć dačynieńnie da ekstremisckaj dziejnaści.

— Biez haspadara, naturalna, składana, ale heta prablema vyrašalnaja, — kaža žonka mastaka. — Ciapier, naprykład, u miastečku tak usio vysachła biez daždžu, što i kasić nie treba.

Dačka doma, na kanikułach, tamu dapamahaje, a voś syn jašče zdaje siesiju ŭ Hrodzienskim miedycynskim univiersitecie. Zrazumieła, što jany ciapier maja asnoŭnaja padtrymka i dapamoha.

— Jakija apošnija naviny ad Alesia?

— Užo kala paŭtara miesiaca nie było ad jaho nijakich viestak. Uvohule pra siabie jon asabliva ničoha nie piša, a kali i piša, to cenzary hetyja radki zamaloŭvajuć.

Tamu nichto ciapier nie viedaje, što ź im u hety momant. Moža, źmiaścili ŭ ŠIZA, bo čamu tady listoŭ niama? Adkul daviedacca?

Tamu zredku dachodziać listy ad Alesia — i słava Bohu! Ad niekatorych viaźniaŭ, nakolki viadoma, užo kala troch miesiacaŭ niama nijakich viestak.

— Pra stan svajho zdaroŭja ničoha nie paviedamlaje?

— Jak sadziŭsia, to byŭ zdarovy, a što ciapier ź im — nie pisaŭ. Ale, jak byccam, nie skardzicca na zdaroŭje.

— Pieradačy jamu dachodziać?

— Dachodziać, chacia paśla taho jak pieraviali na turemny režym, tam bolšyja abmiežavańni. Zdajecca, dazvalajuć adnu rečavuju pieradaču ŭ hod i ŭsiaho niekalki charčovych. Siastra Alesia nie tak daŭno jamu dasłała pieradaču.

Vidać, mahčymaje i adno karotkačasovaje spatkańnie ŭ hod, ale ja pra heta pakul nie daviedvałasia…

***

Mastaka zatrymali 30 sakavika 2021 hoda. Jaho abvinavacili pavodle art. 370 KK i č. 3 art. 130 KK. 25 sakavika Aleś Puškin parezaŭ sabie žyvot na znak pratestu. Za heta jaho na 13 sutak źmiaścili ŭ karcar. 30 sakavika 2022 Puškina asudzili da 5 hadoŭ źniavoleńnia ŭ kałonii strohaha režymu. Administracyja kałonii №22 u žniŭni pakarała Puškina piaćciu miesiacami ŭ PKT.

Padtrymajcie mastaka listami salidarnaści: Turma № 1. 230023, h. Hrodna, vuł. Kirava, 1, Alaksandru Mikałajeviču Puškinu.

Kamientary2

  • mikola
    06.06.2023
    Moza Ales namalue karcinu jaka budze u Muzei.....Kali *usio*(2020)    zakrucilasja ja byu u Polskai......Potym paczau sukac u *spisah* znaiomye famili........Jak za bez Pushkina ?
  • Vajeieje
    06.06.2023
    Aleś Puškin budučy ministr kultury niezaležnaj Biełarusi Litvy!

Litva zabaraniaje ŭjezd aŭto na biełaruskich numarach15

Litva zabaraniaje ŭjezd aŭto na biełaruskich numarach

Usie naviny →
Usie naviny

Ź biełarusam tydzień niama suviazi paśla taho, jak jon pierasiok miažu z Polščaj1

88-hadovy apalny eks-kiraŭnik «Pinskdreva» Arynič žyvie ŭ Biełastoku ŭ zdymnaj kvatery za košt svajakoŭ2

Pamior Ihar Hips

«Kali ŭpała pieršaja ldzinka, ja zrazumieła, što ŭsio». Hrad pamieram z kurynaje jajka paškodziŭ mašynu biełaruski2

U Biełarusi zatrymali litoŭca, jaki abvinavačvajecca na radzimie ŭ zabojstvie2

Cichanoŭskaja: Abmiežavańni na miažy nie zakranuć aŭtobusy i maršrutki22

Litoviec raskazaŭ, jak trapiŭ u połk Kalinoŭskaha3

Palicyja zatrymała ŭ Varšavie biełarusa, jaki pryjšoŭ u ministerstva ź niebiaśpiečnymi pradmietami3

«Pakul uzajemnaści nie bačym». Łukašenka narakaje, što nie moža damovicca z Polščaj i Litvoju29

bolš čytanych navin
bolš łajkanych navin

Litva zabaraniaje ŭjezd aŭto na biełaruskich numarach15

Litva zabaraniaje ŭjezd aŭto na biełaruskich numarach

Hałoŭnaje
Usie naviny →