U červieni pačniecca rekanstrukcyja histaryčnych budynkaŭ u Łošyckim parku
U červieni płanujuć pačać rekanstrukcyju troch histaryčnych budynkaŭ u miežach Łošyckaha parku. Fasady abiacajuć zachavać, a što ŭnutry?
Havorka pra budynki na vulicy i ŭ prajeździe Čyžeŭskich.
Ciapier prajektnaja dakumientacyja prachodzić dziaržaŭnuju ekśpiertyzu, vyrašajucca zaŭvahi, jakija ŭžo pastupili, paviedamiŭ ahienctvu «Minsk-Naviny» dyrektar KUP «Minskaja spadčyna» Alaksandr Kochan.
Pa jaho słovach, pieršapačatkovaja kancepcyja častkova źmianiłasia i ciapier dapracoŭvajecca zakazčykam razam z prajekciroŭščykami i arhanizacyjaj, što budzie ekspłuatavać prajekt u budučyni.
«Arhanizacyjaj, što dalej budzie ekspłuatavać prajekt, vyznačyli hatel «Jeŭropa». Tamu ŭ adnym z budynkaŭ buduć praduhledžanyja pamiaškańni mini-hatela. U astatnich buduć abjekty hramadskaha charčavańnia, taksama zachavajucca zały dla praviadzieńnia ŭračystaj cyrymonii šlubu, — adznačyŭ dyrektar «Minskaj spadčyny». — Raniej išła havorka pra rajonny adździeł ZAHS, ale takaja ŭstanova maje na ŭvazie nie tolki rehistracyju šlubaŭ, ale i inšuju pracu piersanału: vydaču daviedak, śviedčańniaŭ i inšaje. Ciapier vyrašyli, što ŭ abnoŭlenym abjekcie luby rajonny ZAHS stalicy ci navat respubliki zmoža pravodzić vyjaznyja ŭračystyja cyrymonii — jak unutry budynkaŭ, tak i na prylehłaj terytoryi».
Što tyčycca źniešniaha abličča histaryčnych budynkaŭ, to jon zastaniecca raniejšym. Fasady historyka-kulturnych kaštoŭnaściaŭ restaŭrujuć z udziełam navukovaha kiraŭnika, tamu charakternyja architekturnyja elemienty budynkaŭ zachavajuć abo adnoviać. A voś płaniroŭki, uličvajučy funkcyjanalnaje pryznačeńnie pamiaškańniaŭ, pamianiajucca.
Kochan dadaŭ, što ciapier razhladajecca varyjant dobraŭparadkavańnia vialikaj terytoryi pamiž budynkam №17 na vuł. Čyžeŭskich i budynkam №5 u prajeździe Čyžeŭskich. Vyrašajecca pytańnie ab napaŭnieńni prastory małymi architekturnymi formami: heta moža być fantan, skulpturnyja kampazicyi ci niešta inšaje. A płošča terytoryi dazvolić vykarystoŭvać jaje nie tolki dla praviadzieńnia cyrymonij šlubu, ale i dla haradskich mierapryjemstvaŭ, mahčyma, z vyjaznym handlem abo kirmašami.
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii7
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii
Biełaruskija biznesmieny śpiešna pradajuć doli ŭ svaich polskich transpartnych kampanijach. Što adbyvajecca?2
Kamientary
voś takaja była - holiday.by/blog/33220 - bieła-čyrvonaja
voś takaja stała - planetabelarus.by/sights/loshitskaya-usadba-v-minske/ - adcieńnie zialonaha (zialonkavaha) dachu absalutna nie spałučajecca z adcieńniem (chaki) azdableńnia na fasadzie