Raźviedka ZŠA: Rasija naŭrad ci zdolnaja na «značnaje nastupleńnie» va Ukrainie sioleta
Rasija, chutčej za ŭsio, nie zmoža pravieści značnuju nastupalnuju apieracyju va Ukrainie sioleta praź niedachop bojeprypasaŭ i žyvoj siły — niezaležna ad taho, ci budzie paśpiachovym ukrainskaje kontrnastupleńnie. Pra heta zajaviła dyrektarka Nacyjanalnaj raźviedki ZŠA Aŭrył Hiejns, piša «Ukrainskaja praŭda» na padstavie paviedamleńnia CNN.
«Na samaj spravie, kali Rasija nie inicyjuje abaviazkovuju mabilizacyju i nie zabiaśpiečyć značnyja pastaŭki bojeprypasaŭ ad trecich bakoŭ u dadatak da ŭžo najaŭnych pastavak ź Irana i inšych krain, joj budzie ŭsio bolš składana padtrymlivać navat ścipłyja nastupalnyja apieracyi», — zajaviła Hiejns u kamitecie Sienata pa pytańniach Uzbrojenych sił.
Pavodle jaje słoŭ, Pucin, imavierna, pamienšyŭ svaje karotkaterminovyja ambicyi va Ukrainie, kab ličyć pieramohaj «kansalidacyju kantrolu nad akupavanaj terytoryjaj na ŭschodzie i poŭdni Ukrainy, a taksama zabieśpiačeńnie taho, što Ukraina nikoli nie stanie členam NATA».
Niahledziačy na hetuju acenku, Hiejns ličyć małavierahodnym toje, što Rasija damovicca pra paŭzu ŭ hetym hodzie, kali tolki palityčnyja faktary «nie źmieniać myśleńnie» Pucina. Hiejns taksama adznačyła, što rasijskija vojski rychtujuć «novyja abarončyja pazicyi» napiaredadni ŭkrainskaha kontrnastupleńnia, i što jany «atrymali mienš terytoryi ŭ krasaviku, čym u luby z troch papiarednich miesiacaŭ».
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary