Majecie ideju digital-prajekta dla biełaruskaj kultury? Voś dzie možna jaje prezientavać
Kamjunici «Kulturny kod» pačało rehistracyju kamandaŭ na ŭdzieł u anłajn-pitčynhu digital-prajektaŭ dla biełaruskaj kultury. Da ŭdziełu zaprašajuć asobaŭ i kamandy, jakija majuć idei, źviazanyja ź lubymi technałohijami, zadačami i ź lubymi kulturnickimi i tvorčymi siektarami.
Pieršy pitčynh adbudziecca 2 sakavika ŭ 17:00 CET. Zarehistravacca možna tut.
Praz hetuju ž formu arhanizatary zaklikajuć prapanoŭvać taksama idei, aŭtary jakich jašče nie hatovyja pradstavić ich adkryta, ale chacieli b atrymać fidbek asabista ad mientaraŭ ci maderataraŭ supolnaści.
Netvorkinh-čat «Kulturny Kod» staŭ łahičnym praciaham chakatona digital-prajektaŭ dla biełaruskaj kultury «Kulturny kod». Jak i na chakatonie, maderatary čata staviać pierad saboj metu abjadnać ludziej kultury ź IT-śpiecyjalistami, kab razam jany mahli realizavać supolnyja idei. Chakaton pakazaŭ vialiki patencyjał takoj aktyŭnaści, a niekatoryja z prajektaŭ, pradstaŭlenyja na pitčynhach uvosień, užo vyjšli ŭ publičnuju prastoru.
Tak, mabilnaja prahrama dla vyvučeńnia biełaruskaj movy «Zubryk» užo jość na Google Play i zaprašaje zacikaŭlenych baćkoŭ ź dziećmi-školnikami da testavańnia. Rychtujecca da relizu VARTA — ahrehatar VR-vystavaŭ z phygital-instrumientaryjem dla reprezientacyi kultury, mastactva, historyi. Ciapier kamanda źbiraje danaty na pieršuju 3D-kamieru. Płatforma dla bukkrosinhu siarod biełarusaŭ transfarmavałasia ŭ prajekt «Staronki» i rychtujecca da intehracyi z płatformaj «Novaja Biełaruś».
— My zadumali i stvaryli netvorkinh-placoŭku «Kulturny kod», kab dać mahčymaść aŭtaram idej ličbavych prajektaŭ, źviazanych ź biełaruskaj kulturaj, być u stałym kantakcie z kalehami i adnadumcami, u režymie realnaha času atrymlivać dapamohu i kansultacyi ad mientaraŭ, — kaža Kaciaryna Ramančyk, mieniedžarka prajektaŭ Biełaruskaj rady kultury i samaderatarka čata «Kulturny kod». — Taksama my prapanujem udzielnikam čata sprabavać svaje siły ŭ pitčynhach, kudy, aproč kamand, zaprašajem taksama mientaraŭ, kansultantaŭ, a pa mahčymaści i inviestaraŭ.
Čat «Kulturny Kod» isnuje ŭsiaho 2 tydni, ale hetaja supolnaść užo jadnaje kala 100 zacikaŭlenych asob. I da ich možna dałučacca!
Tut čakajuć:
- dziejačaŭ kultury i tvorcaŭ samych roznych śfier dziejnaści;
- śpiecyjalistaŭ(-k) u IT i/albo biźniesie: prahramistaŭ, biźnies-analitykaŭ, prajektnych mieniedžaraŭ;
- markietołahaŭ i PR-mieniedžaraŭ, dyzajnieraŭ i inš.
U čacie možna:
- raskazać pra svaju ideju kulturnaha digital-prajekta na luboj stadyi realizacyi;
- pašukać dla jaje kaleh u kamandu, śpiecyjalistaŭ, mientaraŭ, adnadumcaŭ i inšych partnioraŭ;
- dzialicca paradami i kantaktami.
U «Kulturnym Kodzie» taksama publikujucca ŭnikalnyja pasty z karysnymi paradami, padborki adukacyjnych materyjałaŭ, raspoviedy pra biełarusaŭ, jakija zasnavali startapy i dasiahnuli pośpiechu.
Važna! Heta publičny čat, tamu ŭdzielnikam ź Biełarusi nieabchodna pakłapacicca pra ŭłasnuju biaśpieku.
Dałučycca da «Kulturnaha kodu»
Pytańni, udakładnieńni: https://t.me/Cult_code_by, [email protected]
Aficyjnaja staronka «Kulturnaha kodu».
Vizuał prajekta «Kulturny Kod».
Kamientary