«Viciebskaja viasna» paviedamlaje, što ŭ Lepieli dniami «papracavaŭ» viciebski HUBAZiK sumiesna z supracoŭnikami AMAPa.
Siłaviki naviedalisia dadomu jak minimum da šaści čałaviek. U niekatorych byli praviedzienyja pieratrusy. Častka ludziej była dastaŭlenaja ŭ miascovy RAUS i ź imi byli praviedzienyja prafiłaktyčnyja hutarki.
Ale, jak pišuć siłaviki ŭ svaim kanale, dadomu viarnulisia ŭ toj dzień nie ŭsie. Niekatoryja zastalisia ŭ Lepielskim IČU, na ich zaviali administracyjnyja spravy.
Jak stała viadoma, siarod schoplenych byŭ i małady čałaviek ź invalidnaściu. Jaho Lepielski sud aštrafavaŭ na 720 biełaruskich rubloŭ byccam za raspaŭsiud ekstremisckich materyjałaŭ. Maci chłopca na sud nie puścili, skazali, što sud budzie na nastupny dzień, ale jon adbyŭsia ŭ toj ža samy.
Pavodle śviedčańnia svajakoŭ aštrafavanaha, małady čałaviek ni ŭ jakich akcyjach nie ŭdzielničaŭ, nie pościŭ i nie łajkaŭ naviny ź nibyta «ekstremisckich kanałaŭ». Adno što tolki ŭ svaim siabroŭskim asiarodku jon vykazvaŭsia suprać vajny, jakuju raźviazała Rasija va Ukrainie.
Biełaruskaja błohierka pracavała na rasijskaj apazicyjnaj fabrycy botaŭ, a paśla źliła dakumienty?43
Kamientary