Pa danosie čat-ruletčyka Kaniušyka zatrymali jašče adnaho čałavieka
Pravakatar u razmovie pradstaviŭsia ŭkrainskim biežancam.
Michaiłu Kaviaza 27 hadoŭ. Rodam jon z Čašnikaŭ, vučyŭsia ŭ praftechničnym licei, a paśla pajšoŭ pracavać na Minski zavod kołavych ciahačoŭ, dzie pracavaŭ dahetul.
Jaho zatrymlivali padčas žnivieńskich padziej 2020 hoda na vybarčym učastku i dali 13 sutak aryštu. Spačatku jon byŭ na Akreścina, a paśla jaho vyvieźli ŭ łahier dla źniavolenych pad Słuckam, stvorany na bazie ŁPP. Vypuścili 14 žniŭnia.
U videa pravakatara Ihara Kaniušyka chłopiec raspaviadaje, što z 2020 hoda vučyć biełaruskuju movu i razmaŭlaje pa-biełarusku. Michaił kaža, što nikoli nie pojdzie zabivać ukraincaŭ i navat trochu spačuvaje «biežancu» z čat-ruletki (Kaniušyk robić vyhlad, što jon ukrainski biežaniec ad «ruskaha mira», jaki žyvie ŭ Čarnihavie) i abiacaje, pakłaŭšy ruku na serca, što nie zapisvaje razmovu. Chutčej za ŭsio, da samaha zatrymańnia Michaił nie viedaŭ, što Kaniušyk — danosčyk.
Na kanale HUBAZiK śćviardžajecca, što chłopca ŭžo zatrymali. U vinu jamu staviać toje, pra što jon kazaŭ u čat-ruletcy — rehistracyja ŭ płanie «Pieramoha» i ŭdzieł u pratestach.
«Naša Niva» — bastyjon biełaruščyny
PADTRYMAĆ«Narešcie hetaha vyradka ŭziali». U čat-ruletcy źjaviŭsia jašče adzin stukač, pa čyich navodkach zatrymlivajuć ludziej
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary