Mask adkazaŭ na «epičny» tred Miadźviedzieva: «Camyja absurdnyja prahnozy, jakija ja kali-niebudź čuŭ»
Adzin z najbahaciejšych ludziej śvietu Iłan Mask čarhovy raz prajaviŭ cikavaść da rasijskaha siehmienta tvitara, jaki nabyŭ sioleta, i prakamientavaŭ «futurystyčny» prahnoz namieśnika staršyni Rady biaśpieki Rasii Dźmitryja Miadźviedzieva na 2023 hod, piša RBK.
Miadźviedzieŭ, čyja rytoryka stała vielmi rezkaj i hrubaj padčas vajny, napiaredadni ŭviečary stvaryŭ tred pradkazańniaŭ: nafta pa 150 dalaraŭ, haz za 5 tysiač dalaraŭ za kubamietr, raspad Jeŭrasajuza, hramadzianskaja vajna ŭ ZŠA i h.d. Jašče adna fantazija zaklučałasia ŭ tym, što Polšča i Vienhryja akupujuć zachodnija vobłaści «byłoj Ukrainy».
A Masku Miadźviedzieŭ pradkazaŭ pieramohu na vybarach. Nieviadoma, ci spadabałasia heta pradkazańnie samomu biznesmienu, ale jon adhuknuŭsia i nazvaŭ tred Miadźviedzieva «epičnym».
Paśla čaho raskrytykavaŭ napisanaje byłym prezidentam Rasii: «heta, biezumoŭna, samyja absurdnyja prahnozy, jakija ja kali-niebudź čuŭ, jany demanstrujuć dziŭnuju adsutnaść daśviedčanaści ab prahresie štučnaha intelektu i ŭstojlivaj enierhietyki».
Łatuška: Ryžankoŭ maryć stać prezidentam Biełarusi i nienavidzić Łukašenku. Jon nie projdzie detektar chłuśni6
Kamientary