Sinoptyki abjavili aranžavy ŭzrovień niebiaśpieki z-za śniehapadu
Mocnyja apadki projduć u mnohich rajonach pa paŭdniovym uschodzie krainy, a ŭ Homielskaj vobłaści — śnieh z daždžom.
Ciaham dnia budzie pieravažna vobłačnaje nadvorje, u asobnych rajonach słaby tuman i hałalod, na darohach hałalodzica. Ranicaj i ŭdzień miescami mahčymaje nalipańnie mokraha śniehu.
Viecier uschodni, paŭnočna-ŭschodni, umierany, 4-9 m/s. Tempieratura pavietra -4..+2 °S.
MNS papiaredžvaje pra mahčymyja faktary niebiaśpieki: parušeńnie elektrazabieśpiačeńnia, abryŭ linij suviazi i elektrapieradačy, ciažkaść ruchu transpartu, pavieličeńnie vierahodnaści ŭźniknieńnia darožna-transpartnych zdareńniaŭ, ryzyka traŭmatyzmu.
U niadzielu i paniadziełak, 11 i 12 śniežnia, nočču ŭ asobnych rajonach krainy čakajecca karotkačasovy śnieh. Ranicaj i dniom składanyja ŭmovy nadvorja: na bolšaj častcy terytoryi apadki (śnieh, mokry śnieh, doždž), miescami mocny śnieh, mokry śnieh, nalipańnie mokraha śniehu, miacielica i ŭzmacnieńnie vietru paryvami da 15-20 m/s, hałalod. Na asobnych učastkach daroh hałalodzica. Tempieratura pavietra ad -9 °S unačy da +8 °S dniom.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary