Maksima Hałkina pryznali «inšaahientam». Jon adreahavaŭ u instahramie
Miniust Rasii ŭklučyŭ papularnaha artysta, jaki vystupiŭ suprać vajny i źjechaŭ z krainy, u śpis «inšaahientaŭ». Hałkin na heta adreahavaŭ dopisam u instahramie.
«Napeŭna, vy ŭ kursie, darahija siabry, što Miniust RF pryznaŭ mianie «inšaziemnym ahientam». Abhruntavańniem hetaha rašeńnia było toje, što ja nibyta atrymlivaŭ hrašovyja srodki z Ukrainy, na jakija ažyćciaŭlaŭ palityčnuju dziejnaść.
Pa-pieršaje, ja nie zajmajusia palityčnaj dziejnaściu. Sa sceny, na svaich kancertach ja zajmajusia humarystyčnym žanram, palityčnaj satyraj. Zajmajusia hetym užo 28 hod. Pačynaŭ, adpaviedna, jašče pry Barysie Mikałajeviču Jelcynie, što i praciahvaju rabić.
Kali ja źviartajusia da svaich padpisčykaŭ ci hledačoŭ pa-za žanram, jak hramadzianin, jak čałaviek, ja heta rablu absalutna ščyra. Ščyra i zastajučysia sumlennym pierad samim saboj.
Ministerstva justycyi, ščyraść i sumlennaść nie apłačvajecca ŭ prystojnych ludziej, da jakich ja, spadziajusia, naležu. Ja nie pradaju svajo mierkavańnie dy svaje dumki i nie kuplaju čužyja. Ja handlem sumleńniem nie zajmajusia.
Što da Ukrainy, to niekali, hadoŭ 10 tamu, kali ja tam davaŭ kancerty, ja hrošy atrymlivaŭ. Ale ŭžo šmat hadoŭ ni kapiejki z Ukrainy ja nie atrymlivaju.
Tamu, viadoma, nahoda nadumanaja. Čamu heta adbyvajecca, ja nie viedaju. Jakija mety pieraśledujucca, ja nie viedaju. Ad žanru humaru i satyry ja admaŭlacca va ŭhodu palityčnaj kanjunktury nie budu. Ja jak raniej žartavaŭ z našych palitykaŭ, tak i budu praciahvać žartavać. I liču heta narmalnym i maimi pravam na pracu.
Hetak ža, jak i ŭ mianie jość prava na svabodu słova, zamacavanaje ŭ Kanstytucyi Rasijskaj Fiederacyi, jakuju, musić, ministerstva justycyi taksama pavinna achoŭvać. Hetuju našu kanstytucyju, dzie svaboda słova zapisana jak spradviečnaje prava kožnaha hramadzianina. 29-y, pa-mojmu, artykuł. Nu, vam lepš vidać.
Tamu: inšaahient dyk inšaahient. Ja da inšaahientaŭ siabie nie adnošu».
Paśla ŭvarvańnia Rasii va Ukrainu Maksim Hałkin nieadnarazova vykazvaŭsia suprać vajny. U pačatku vieraśnia pres-sakratar prezidenta Rasii Dźmitryj Piaskoŭ skazaŭ, što Hałkin rabiŭ «vielmi drennyja zajavy» i što «jamu vidavočna z nami nie pa darozie».
Što zapisana aficyjnaj pryčynaj śmierci adzinaha syna Jarmošynaj?4
Kamientary
a čto tam s požarom v Hriazi? vsie razruliłoś?