Zialenski pra abstreł Adeskaha porta: Rasija budzie znachodzić šlachi nie vykonvać abiacańni
Prezident Ukrainy prakamientavaŭ siońniašni rakietny ŭdar pa Adeskim porcie. Jon padkreśliŭ, što heta zdaryłasia mienš čym praz sutki paśla damoŭlenaściej u Stambule ab eksparcie ŭkrainskaha zbožža.
«Heta śviedčyć tolki pra adno: što b ni kazała i abiacała Rasija, jana budzie znachodzić šlachi, jak heta nie vykonvać. Hieapalityčna, zbrojaj, kryvava ci nie, ale ŭ jaje jość niekalki viektaraŭ, jakimi jana zaŭsiody dziejničaje», — skazaŭ Zialenski ŭ Kijevie na sustrečy z delehacyjaj Pałaty pradstaŭnikoŭ Kanhresa ZŠA.
Taksama prezident Ukrainy padziakavaŭ ZŠA za abvieščany niadaŭna pakiet dapamohi ŭ halinie biaśpieki i padkreśliŭ, što krainie asabliva patrebny puskavyja ŭstanoŭki HIMARS, snarady i bieśpiłotnyja latalnyja aparaty.
Zialenski prainfarmavaŭ delehacyju Pałaty pradstaŭnikoŭ pra rabotu pa paślavajennym adnaŭleńni Ukrainy, pieršym etapam jakoj źjaŭlajecca realizacyja Fast Recovery Plan — płana chutkaha adnaŭleńnia razburanaj žyllovaj, adukacyjnaj, miedycynskaj infrastruktury.
«Źviartajemsia da našych partnioraŭ, u tym liku Złučanych Štataŭ, z prapanovaj užo zaraz pryniać aktyŭny ŭdzieł u vykanańni hetaha ambicyjnaha, ale vielmi važnaha prajekta», — cytuje prezidenta Ukrainy jaho pres-słužba.
-
60-hadovy mužčyna, jaki ŭ 2020-m naziraŭ za vybarami z taburetki praź binokl, paśla advajavaŭ dva hady va Ukrainie
-
Jak ukrainskija inžyniery pieratvaryli lohki samalot va ŭdarny bieśpiłotnik, što moža dalatać da Maskvy
-
«Pucin śviadoma abraŭ Kalady dla napadu». Rasija naniesła čarhovy masiravany ŭdar pa enierhietycy Ukrainy
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana11
Kamientary