Rakietnyja ŭstanoŭki M270 MLRS prybyli va Ukrainu. Što za jany?

Chranałohija MLRS

6 červienia Vialikabrytanija abviaściła, što pieradaść Ukrainie try puskavyja ŭstanoŭki MLRS z rakietami GMLRS.

15 červienia ŭ Bierlinie paviedamili, što Kijeŭ atrymaje jašče try ŭstanoŭki M270 Mittleres Artillerie Raketen System (MARS — varyjant M270, zrobleny dla Jeŭropy). Jany musili być pastaŭlenyja z zapasaŭ Bundeśviera. 

30 červienia ahienctva Rejter paviedamiła, što ŭkrainskija vajskoŭcy ŭžo prachodziać navučańnie na ŭstanoŭkach MLRS, a taksama na lohkich 105-milimietrovych haŭbicach.

Pavialičyć

U čym asablivaści

Składanaść u acency infarmacyi pra hetyja sistemy — u tym, što nazva MLRS, jakaja rasšyfroŭvajecca jak Multiple Launch Rocket System (reaktyŭnaja sistema załpavaha ahniu abo RSZA), moža taksama vykarystoŭvacca dla abaznačeńnia cełaha kłasa reaktyŭnaj artyleryi.

Naprykład, saviecki BM-21 «Hrad» na anhlijskaj movie taksama budzie abaznačacca jak MLRS.

M142 HIMARS ujaŭlaje saboj bolš lohkuju i mabilnuju madyfikacyju M270 MLRS. Adzin puskavy kantejnier z šaściu rakietami HIMARS ustalavany na šaścikołavym aŭtamabilnym šasi. U M270 MLRS dva takija kantejniery, zmantavanyja na husieničnym šasi.

Adroźnieńnie dźviuch sistem, pa-pieršaje, u bojekamplekcie. M270 MLRS zdolnaja vypuścić u adnym załpie ŭ dva razy bolš rakiet. Druhoje adroźnieńnie dźviuch sistem — u mabilnaści i prachodnaści. Husieničnaje šasi M270 (jana vykarystoŭvaje madyfikavanaje šasi BMP Bradley) dazvalaje joj lahčej pierasoŭvacca pa pierasiečanaj miascovaści, što mocna pašyraje mahčymaści vybaru pazicyi dla stralby. 

M142 HIMARS na kołavym šasi bolš mabilnaja, zdolnaja pierasoŭvacca na vialikija adlehłaści z bolšaj chutkaściu, ale jaje prachodnaść nižejšaja, čym u husieničnaj M270. Chutkaść adyhryvaje nie mienšuju važnaść dla takich sistem na ŭzbrajeńni ŭkrainskaj armii, čym prachodnaść, bo ich vykarystoŭvajuć dla chutkich udaraŭ (taktyka «Bi i biažy»).

Pavodle padlikaŭ BBC News Ukraina, za apošnija dva tydni ŭ vyniku abstrełaŭ źniščanyja jak minimum 15 bujnych tyłavych abjektaŭ rasijskich uzbrojenych siłaŭ.

Pavialičyć

Składanaść baraćby z takimi sistemami ŭ tym, što jany vypuskajuć rakiety pa celi niečakana, i pierš čym im atrymlivajecca adkryć ahoń u adkaz, jany źjazdžajuć ź miesca.

Uładkavańnie takich kompleksaŭ dazvalaje davoli chutka pierazaradžać ich — zamiest zahruzki rakiet pa adnoj kožnaja ŭstanoŭka mianiaje całkam kasietu z šaściu snaradami, padymajučy ich prosta z hruntu pry dapamozie ŭbudavanaha krana.

Rakiety GMLRS, jakija vykarystoŭvajucca va Ukrainie, dazvalajuć traplać u celi na adlehłaści da 70 km, pryčym jany taksama vałodajuć padvyšanaj dakładnaściu. 

Narešcie, załpavy pusk šaści rakiet davoli składana pierachapić srodkami SPA. M142 HIMARS i M270 MLRS mohuć taksama vykarystoŭvać zamiest kantejniera z šaściu rakietami dla załpavaha pusku adnu taktyčnuju rakietu MGM-140 ATACMS. Dalokaść hetaj balistyčnaj rakiety — da 300 kiłamietraŭ.

Ukraina nie raz zajaŭlała, što chacieła b atrymać hety kompleks razam z M142 HIMARS i M270 MLRS, adnak paviedamleńniaŭ pra mahčymyja pastaŭki na Zachadzie pakul nie źjaŭlałasia.

Čytajcie taksama:

Minabarony Ukrainy: HIMARS užo źniščyli bolš za 30 rasijskich vajskovych abjektaŭ

Čamu rasijanie niazdolnyja źbivać HIMARS i što heta aznačaje 

CNN: Ukraina stała paśpiachova prymianiać sistemy HIMARS dla napadaŭ na rasijskija kamandnyja punkty

• 47
• 0
• 4
• 1
• 6
• 5
• 10
• 0