Šatłandskija deputaty zhulajuć ź biełarusami ŭ futboł, kab daviedacca pra palitviaźniaŭ
Biełaruskuju kamandu źbiraje Alaksandr Kazłoŭski, jaki byŭ spartovym dyrektaram futbolnaha kłuba «Charts». Matč projdzie ŭ sieradu, piša Scotsman.com.
«Narodnaje konsulstva Biełarusi ŭ Šatłandyi» kaardynuje matč, vystupajučy suprać pieraśledu tych, chto pratestuje suprać kiravańnia Łukašenki. Arhanizacyja zaklikała pryznać Biełaruś terytoryjaj, akupavanaj Rasijaj.
Libieralna-demakratyčnyja deputaty Liam MakArtur i Vili Reni taksama stajać za arhanizacyjaj matča, jaki adbudziecca ŭ sieradu 29 červienia.
«Mienavita z pačatkam vajny suprać Ukrainy stała vidavočna, što režym biełaruskaha dyktatara Łukašenki straciŭ kantrol nad terytoryjaj Biełarusi, što źjaŭlajecca najvažniejšaj prykmietaj suvierenitetu luboj dziaržavy», — kaža Iryna Maklin, pres-sakratar Narodnaha konsulstva Biełarusi ŭ Šatłandyi.
Deputat Makartur spadziavajecca, što hulnia nie tolki dapamoža naładzić suviazi ź biełaruskaj dyjasparaj, ale i daniasie da šatłandcaŭ i asabliva deputataŭ šatłandskaha parłamienta infarmacyju pra ciažkaje stanovišča palitviaźniaŭ u Biełarusi.
«Mižnarodnaja supolnaść abaviazanaja cisnuć na biełaruskuju dziaržavu, kab jana spyniła parušeńni pravoŭ čałavieka, i prajavić salidarnaść ź biełaruskim narodam i jaho pravami na mirny palityčny pratest i svabodu presy», — padsumoŭvaje jon.
-
Novaja zorka prapahandy kaža, što ŭciok z Polščy praz represii. Ale jon akazaŭsia machlarom z pazykami na $370 tysiač
-
«Zakryvać treba k čortu ŭsie resursy». Redaktarka «Minskaj chvali» vučyła rasijan zmahacca z apazicyjnymi ŚMI
-
Pamiatajecie bandu, jakaja ŭ bałakłavach rabavała na trasach fury? Vynik suda šakuje
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA27
Kamientary